【坑口揾楼】煜明苑・安宁花园・广明苑・交通与地利上车优秀选

如果年轻人要上车揾楼,肯定听过唔少人介绍将军澳。由宝琳一带直到坑口,其实都有唔少潜力上车盘。今次,我地要带大家去到坑口附近一带,睇下啲潜力盘啦。

坑口近年发展规划越嚟越完善,交通生活配套充足,令早年兴建系呢一带嘅居屋,一跃成为唔少上车客嘅心头好。好似眼前嘅煜明苑,系90年代嘅居屋,属于和谐式设计,实用四正。屋苑有三座大厦组成,提供1824伙,实用面积介乎400至600几呎左右。由于屋苑依山而建,所以观感上密度较低,而且空气清新,环境优美,部份单位仲有开扬嘅景致添,

而最受住户欢迎嘅地方,就系煜明苑距离坑口站都只系几分钟嘅路程。而且附近巴士线路丰富,唔少地方都可以点对点直达,时间预算当然就更有把握。生活方面,附近TKO街市、东港城、南丰广场等等嘅商场,都能够满足各种各类需求。

转头就嚟到坑口站附近另一个著名嘅居屋楼盘,安宁花园安宁花园属于私人参建居屋,所以外观睇起上嚟,都甚有私楼风味。整个屋苑一共有六座物业,单位总数大约2300伙左右,而且厅房冇窗台,实用率极高,装修布置更加灵活。

安宁花园楼下有唔少区内小店,杂货至食肆都有,附近南丰广场,东港城,TKO Gateway同街市,亦有齐生活休闲所需。行到去坑口站,以上商场全部有有盖天桥连接,非常方便。而屋苑最大卖点,就系邻近坑口站,行过去都系两三分钟,附近嘅交通交汇处,亦有巴士同小巴往返九龙同西贡,一街之隔嘅南丰广场,亦有机场巴士提供。如果系钟意自行车运动嘅住户,仲可以去附近嘅自行车馆公园练习同休闲一番。

第三个要介绍嘅屋苑,真系喺自行车馆旁边嘅居屋-广明苑广明苑拥有七座物业,合共4200几伙,屋苑属于和谐式设计,有一房至三房间隔,适合唔同预算嘅年轻人选择。由于广明苑嘅位置啱啱坐喺坑口同将军澳站之间,唔同座数嘅住户,就可以自行选择边个站上车。前往两个地铁站,都只系大概8至10分钟嘅步行时间,公司附近亦有多个交通中心,前往港九西贡等等嘅路线非常多选择。

除咗刚才介绍嘅商场小店之外,住户仲可以行到去附近嘅尚德广场,以及将军澳站上盖嘅Popcorn购物消遣,食肆、名牌时装应有尽有。

有任何关于买楼或者租屋疑问?欢迎向我们的在线客服查询!

相关文章 :

【将军澳揾楼】新宝城・东港城・将军澳广场・雅致靓则实用优厚... 身边唔少朋友,成日都会趁假日睇楼,除咗睇价钱之外,唔少朋友都好着重间隔设计,实用比率。不如一齐去到将军澳附近望一望,睇吓有边啲靓间隔嘅楼盘?...
【将军澳揾楼】宝盈花园・唐明苑・康盛花园・优越上车新地带... 今年将军澳楼盘交投活跃,当中唔少都系年轻嘅上车户。到底呢一个地方,有啲咩咁吸引佢哋?难道……呢度上车真系特别有着数?...
【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【将军澳揾楼】维景湾畔・都会駅・彩明苑・旺中带静畅游身心... 一个健康舒适嘅地区,无论对身心都好有帮助,所以唔少屋苑都以健康同埋优质生活等等做主题。 拥有呢啲元素嘅屋苑,喺边度可以揾到 ?...
【将军澳揾楼】喵?汪!盘点 3 个为主子而设的将军澳屋苑... 参见咁多位汪大人、喵大人,奴才有要事禀报!根据奴才调查所得,现时只有约 4 成屋苑可饲养宠物,对于全港接近 25 万有饲养猫或狗的住户来说,...
分享: