钟意享受生活小区嘅人士，通常钟情于去新界揾楼，而屯门唔少屋苑，其实都相当符合佢哋嘅要求。如果你都系追求生活质素……咁今集你就唔好错过啦！

第一个介绍嘅时代广场，相信留意开屯门盘嘅一啲都唔陌生，屋苑由五座物业组成，拥有近1300个单位。呢度提供一至三房间隔，2房为主打，不过相比周边嘅屋苑，能够提供一房间隔嘅户型算系比较罕见，所以亦受到唔少上车客追捧。讲到生活优势，呢度屋苑嘅景观系卖点之一，既有翠绿山景，亦有屯门公园嘅优质园景，平时落街散吓步，生活悠然写意。 加上时代广场距离屯门站只系5分钟距离，总站下面仲要系巴士总站，交通极为方便。平时行街shopping，去到屯门时代广场，或者V city，行街、食饭、睇戏通通冇难度。

跟住介绍两个居屋盘，先讲下兆麟苑，虽然佢系居屋屋苑，但系规模大，生活配套充足，十足一个小社区，啱晒生活至上嘅朋友。 兆麟苑有12座物业，提供约4200个单位，属于区内较具规模嘅大型居屋屋苑！呢度提供传统两至三房户型，冇窗台，实用率高，方便好多私人摆设嘅用户，令佢哋随意调配空间。由于屋苑规模大，所以楼下就有自己嘅公园、超市、食肆、商场，而且相对邻近屋苑，呢度社区运动设施更加丰富同接近，行落楼下做运动真系相当方便。 虽然屋苑并唔近屯门站，不过楼下有专线接驳小巴，班次频密，行出大街亦有好多港九巴士可以选择。

第三个要介绍嘅，就系屯门区深受欢迎嘅置乐三宝之一︰置乐花园。 屋苑属于私人参建居屋，八座物业提供1000个单位，主打2-3房单位，实用率、性价比高！ 置乐花园楼下就系民生社区，商场、食肆、小店、街市林立嘅小社区，由于置乐花园就系楼上，大家就索性叫呢度做置乐街市， 而且呢度交通配套以公共交通为主，楼下巴士小巴路线丰富，接驳前往屯门站都只系几分钟，唔少都大赞返工返学非常方便!

如想了解多啲关于以上屋苑嘅资讯？欢迎向我们的在线客服查询！