唔少宠物主人买楼嘅时候,都会谂埋宠物嘅需要,生活空间够唔够大呀,附近有冇地方俾佢散步呀…… 唔使担心,我哋即将带你去游区各地嘅宠物屋苑,而今次我哋就嚟到将军澳 !
未介绍屋苑,先介绍呢区最大型嘅宠物公园-环保大道宠物公园。 公园占地4000几平方米,单单系草地区域都已经有五个咁多,绝对系宠物放电嘅好地方。 而且公园远离闹市,假日约埋三五知已放狗为乐,野餐消闲,绝对系放松心情嘅好时刻。 加上呢个公园设备充足,有宠物冲洗间、饮水机,仲有狗狗停车场,一班主人可以同宠物玩得更加放心 。
如果你已经忍唔住想同宠物喺度落地生根,附近有啲乜嘢好屋苑?首选当然系日出康城 !首先介绍嘅就系第一期— 首都! 屋苑由10座物业组成,提供2096个单位 屋苑主打3-4房单位,实用面积约900呎以上,绝对适合大型宠物一齐居住。 而且物业一梯4伙,私稳度高,即使带住宠物上落,亦唔使担心影响邻居。 首都附近被翠绿山景包围,风景怡人,无论对住户定系对宠物都更加身心舒畅 。日常主要交通工具绝对系港铁康城站,距离屋苑只有大约5分钟路程,往返港九非常方便 。
第二个要介绍嘅,就系旁边冇几远嘅-领都 。有八座物业组成嘅领都,拥有接近1700个单位。屋苑嘅户型多元化,而主打都系三房户,无论人同宠物都有足够嘅空间。 不过呢度最大特色,就系户户有露台,除咗令屋内空气流通,亦令宠物喺家中都可以拥有户外小天地 。除咗宠物享受之外,屋苑拥有大型住客会所,超过60项嘅设施同样都可以为主人带来舒适嘅生活。 除咗邻近康城站之外,屋苑亦提供穿梭巴士往返将军澳站、popcorn等等地方。
第三个介绍嘅系旁边2B期嘅领峯, 屋苑由六座物业组成,一共有1400几个单位,主打三房连套房,以及4房嘅大单位。即使家庭成员众多,宠物亦有自在活动空间 。领峯同邻近嘅领都、领凯共享30万呎嘅主客会所 想同宠物做运动,可以带宠物出去沿海嘅缓跑径散步散心,亦系一种乐趣 除咗康城站以及穿梭巴士之外,附近亦有巴士站,提供港九嘅巴士线路。 如果想购物,除咗屋苑商场之外,亦可以乘搭穿梭巴士去到将军澳站Popcorn,享受更丰富选择。
如果想知道更多关于上述屋苑嘅资讯,立即按此向客服查询!