去得大围车公庙当然希望求返支上上签。来到大围名城自然一样想揾笋盘。大围名城分三期发展,是区内第一个提供超过4000个单位的大型屋苑,全部是3房或以上的大单位。
大型私人屋苑名城位于大围港铁站,交通方便自然系名城最大卖点,隔一个站到九龙塘站 ,基本上罐穿全港香港,除此之外,大围系马鞍山线既起点,想入马鞍山或者去乌溪沙,都唔使20分钟。而系将来呢到既交通会为完善,因为大围系将来沙中线既转乘站,,要去东九龙或者过海都好快捷方便。
另外,巴士亦系大围住客主要乘搭既交通工具之一,其中过海车既话可以搭182,会经湾仔,而出旺角总站尖沙咀有81C,去观塘亦有89B,去荃湾亦都专线小巴添,如果夜返都唔使担心,因为红磡港铁站有通宵车N281入返大围。仲有63S系来往旺角既通宵巴士。
大围拥有完善既交通配套,同时有旺中带静既环境,因为呢到有多间食肆同有齐基本日常生活所需既店舖,但周围又唔会好似市中心咁挤迫,所以系到返学都系几好既选择,呢边既小学属于88区,其中比较受欢迎有沙田官立小学,圣母无玷圣心学校,香港九龙塘基督教中华宣道会陈元喜小学,同埋香港中文大学校友会联会张煊昌学校等等。中学就属于沙田区,都有唔少名校,例如圣罗撒书院,沙田崇真中学,沙田苏浙公学,呢D都系大部分父母既心水之选。
平时返工返学已经又累又忙,得闲既时候应该要俾自己好好休息下,名城附近有唔少自行车舖,闲时可以租部自行车,由大围踩去大尾督,欣赏沿路风景,又或者行去显田游泳池游泳同香港文化博物馆,一家大细都岩玩。要揾日常用品既话,金禧商场就有齐晒万宁,超级市场等等既商舖。
咁若然想食下好野既话,大围都有好多选择架,想叹下咖啡,品尝下西式食物既话,有Dear Coffee & Bakery,古朴年代咖啡,日式餐厅就推介屋子,都几受欢迎架,想食返D中式糖水,就有出名既亚婆豆腐花。
虽然有好多好食店,但都有好多人都中意买送返屋企煮饭,系大围港铁站附近就有大围街市,或者行去成运路既德州食品供应有限公司,专卖优质肉类,同埋新鲜海产。
客服热线:2311-1200