位于香港岛最西面的坚尼地城,一听个名就知系殖民地时候起咖啦,佢系以香港第七任总督“坚尼地”命名。宜家呢度仲保留住一点点殖民地气息,加上邻近香港最高学府香港大学,整个社区富有极浓嘅文化氛围。
坚尼地城嘅范围,包括西宁街至卑路乍街与皇后大道西交界,由于住宅密度较低,旺中带静,系香港岛其中一个受追捧的住宅区,特别受到外籍人士欢迎。
港铁直达中环
而这座“老香港”旧城,因着港铁嘅通车,已经退变、有新的面貌。以往坚尼地城主要靠地面交通,例如巴士、小巴及电车等往返港岛嘅核心地带,不过自2014年港铁港岛线西延段通车,坚尼地城站成为港岛线西面总站之后,这区嘅吸引力即时提升,因为由坚尼地城去中环只系五个站,大约8分钟;而去南区亦只系三个字(15分钟),啱晒喺核心商业区工作嘅白领。
名牌学府近在咫尺
坚尼地城另一个卖点系佢嘅书香气息,皆因附近有香港大学,云集全港、甚至全球嘅精英,唔少来自海外嘅教授或者学术专材,都爱聚居于呢一带,贪佢既方便,又不失传统学术文化色彩。这区国际学校林立,包括有英基开办嘅坚尼地城小学、港湾学校、香港学堂国际学校等。
同时,坚尼地城有全港家长趋之若鹜嘅11校网,数得出间间都系传统名校,包括嘉诺撒圣心学校、圣士提反女子中学附属小学、般咸道官立小学等。中学有亦是顶级,有英皇书院、圣保罗书院、英华女学校及高主教书院等。所以话,即使唔少家长好似“孟母三迁”咁,搬嚟坚尼地城,亦正常不过,间间都系名牌学校,又点会唔吸引呢!同时带动这区嘅物业市场非常活跃,无论系买卖或者租务市场,都有价有市。
海滨写意生活
坚尼地城环境亦胜人一筹,当中不乏公共空间供附近居民享用,例如面向卑路乍湾有新海旁街,闲时海滨散步几咁写意;附近嘅卑路乍湾公园,有宽阔大草地,又有大型儿童游乐场及缓跑径等,啱晒一家大细消磨一个下午;昔日坚尼地城出名有多个泳棚,但宜家嘅坚尼地城公众泳池亦唔失礼,室内外泳池嘅最大卖点系喺游水嘅同时,可以欣赏维港靓景。除此之外,区内屋苑附近仲有唔少行山径,约三五知己一齐做山系男女都咪话唔写意!呢区嘅康文设施可谓动静皆宜,系士美非路有体育馆又有图书馆。
伸延的苏豪区
坚尼地城吸引到不少外籍人士居住,其中一个原因是在旧式嘅横街窄巷之中,有不少时尚餐厅进驻,昔日嘅老街,活化成潮流嘅建筑,可以说是苏豪区嘅伸延,而新海旁一带嘅露天食肆,又可让顾客享受海滨美景。要数平民食肆,有士美菲路市政大厦及石山街熟食中心等。