【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐

碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳就有啦!

将军澳南最吸引宠物主人挑选周围定居地嘅原因,无非都系因为呢度环境清幽,仲有香港数一数二嘅大型宠物公园-环保大道宠物公园。公园占地超过4000平方呎,仲分咗大宠物同小宠物嘅活动区域,而当中草地区域丰富,无论宠物想点跑都无拘无束,而且公园场地设施多元化,仲拥有宠物冲洗间,宠物公园来讲相当罕有。

如果想住喺呢度,从公园望过去就已经见到我哋第一个要介绍嘅屋苑—SAVANNAH。由会德丰发展嘅SAVANNAH,共分八座分层楼宇,以及五座独立屋组成。整个屋苑提供804个单位,以单位面积相当多元化,分层单位由近300呎至1900几呎不等,提供开放式至四房式单位,主打项目系两房单位。另外五座独立屋,面积就大约系1900百几呎左右,全部都系4房单位,仲有4-500呎嘅独立花园。所以上车客到中产家庭,都好容易喺度揾到自己嘅心水单位。

屋苑步时步行大约6-8分钟就到将军澳站,非常方便。除咗基座商场之外,SAVANNAH同附近几个大型商场亦非常接近,好似Popwalk,Popcorn,将军澳广场等等。

SAVANNAH旁边嘅THE PARKSIDE,亦系一个心水之选。同样由会德丰发展嘅THE PARKSIDE,喺2015入伙,屋苑由5座物业组成,共有591个单位。THE PARKSIDE提供1房至4房单位,亦设13个特色单位,当中一房同两房嘅数量占整个屋苑一半,属于主打项目。而屋苑亦拥有约30,000呎嘅住客会所,提供室内外泳池,健身室同埋运动场等等嘅设施。屋苑配套同SAVANNAH一样方便,同样都相距将军澳站几分钟路程,亦拥有大量嘅商场包围。

作为宠物主人,住喺将军澳仲一个好处,就系现时将军澳广场同埋将军澳中心,以致旁边嘅popwalk,就已经有齐晒宠物用品店,以及宠物医院。所以唔单止日常所需,连宠物所需都可以完美照顾到。

如果阁下想揾海景单位,蓝塘傲就不容错过,由屋苑个名已经可以谂到,蓝塘傲正正就系面向蓝塘海峡。呢度七成单位都拥有无敌海景,系屋苑最吸引嘅地方,屋苑有七座分层楼宇,以及23座独立屋组成,提供605个单位。分层物业楼高12至18层,两梯2至10伙,面积介乎368-1800几呎,开则有1房至4房单位,大部份单位设有露台。而23座独立屋楼高五至六层,面积介乎2200几至3700几呎不等,分为3房至4房单位。

除咗大型住客会所之外,屋苑亦自设100,000呎嘅商场,饮食消闲应有尽有!住户亦可以去到POPwalk,popcorn等等大型地标商场,宠物同主人嘅需要都充分照顾得到。交通方面,屋苑距离将军澳站大约6至8分钟嘅路程!地面交通亦非常丰富,多条巴士线同小巴线前往邻近区域以及港九各地。

如想了解多啲关于以上屋苑嘅资讯?欢迎向我们的在线客服查询!

相关文章 :

【将军澳揾楼】宝盈花园・唐明苑・康盛花园・优越上车新地带... 今年将军澳楼盘交投活跃,当中唔少都系年轻嘅上车户。到底呢一个地方,有啲咩咁吸引佢哋?难道……呢度上车真系特别有着数?...
【沙田揾楼】显径邨.嘉田苑.海福花园.怡人社区.健康之选... 18区当中,如果要选出最健康嘅区域,沙田区绝对系三甲之一!无论扒龙舟或者跑步都系知名热点,而且周边群山翠绿包围,空气清新怡人。...
【屯门揾楼】锦华花园.康德花园.盈丰园.铁路屋苑潜力选... 十几年前,屯门交通仲未系咁方便,令到唔少买家因而却步。今时今日,西铁、轻铁贯通新界区,九龙入新界,随时快过过海 所以今集就带大家一齐睇吓,屯...
【屯门揾楼】大兴花园.新屯门中心.兆隆苑.年青上车盘.屯门三大精选... 屯门区,楼价门槛低,屋苑质素普遍高,以上种种成为唔少上车人士嘅睇楼第一站。今集,我地就一齐睇下三个屯门不同地段嘅上车屋苑,有冇边个啱你心水!...
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
分享: