【将军澳揾楼】新宝城・东港城・将军澳广场・雅致靓则实用优厚

身边唔少朋友,成日都会趁假日睇楼,除咗睇价钱之外,唔少朋友都好着重间隔设计,实用比率。不如一齐去到将军澳附近望一望,睇吓有边啲靓间隔嘅楼盘?

第一个要介绍嘅靓则屋苑,就系新宝城。先讲吓基本资料,属于恒基兆业发展嘅新宝城, 99年正式入伙,屋苑由六座大厦组成,提供2184个单位,单位面积大约由300几去到600几呎不等。屋苑主打1-2房单位,但系亦有三房单位提供。讲到间隔,单位间隔四正,空间充足,实用度高达八成,无论想间房,定系打通,装修设计上都相当灵活。呢度景观开扬,高层仲有少量嘅单位可以望到远方嘅海景,而且附近旺中带静,都为屋苑加咗唔少分数。

交通同埋生活方面,巴士路线亦算丰富,连机场巴士亦有提供,最重要系,坑口站行路几分钟就到,而且站内有四条有盖冷气天桥连接各大商场,饮食消闲购物都非常方便。

坑口站,又点可以唔睇邻近嘅靓则王-东港城东港城由七幢物业组成,同样都有2184个单位,其中六成半都系2房单位,目标以家庭客为主。东港城单位空间感大,内笼宽敞,实用度高,扣除窗台位置,单位实用率超过八成,去到今日,呢个质素同区嘅屋苑仍然少见。

除咗单位实用,佢嘅交通生活圈堪称区内一绝。首先屋苑有自设会所,泳池、球场、健身室等等全部齐备,屋苑基础就系坑口嘅大型同名商场东港城,潮流服饰,珠宝电器,饮食娱乐,统统集中喺呢个400,000平方呎嘅商场里面。而屋苑亦有自设嘅行人天桥连接坑口站,行5分钟就到!地铁站旁边仲有巴士同小巴总站,令你出门有更多选择。

第三个介绍嘅就系行远少少,近将军澳嘅将军澳广场将军澳广场分两期,一共有八座物业,提供超过2800几个单位。整个屋苑设计一字排开,后排单位以山景为主,前排单位就望市区同埋内园景。间隔比较多元化,主打都系两房至三房间隔,不过最有特色嘅地方,就系屋苑设有细三房同埋三房连工人房,而且大部份房与房之间并非主力墙,住户可以随自己喜好,打通成大房,或者自行间房都可以。

配套方面, 屋苑两期都自设住客会所,设施齐备。屋苑嘅楼下就系区内主要购物商场之一,酒楼,食肆,银行,以及大型日式超市,仲有大型家居用品店添。而附近亦有其它商场可以选择,好似popcorn,将军澳中心等等,绝对可以满足住户嘅要求。交通方面,将军澳广场邻近将军澳站,大约5-6分钟步行距离,附近宝邑路同宝康路巴士线亦非常丰富,提供大量港九地区点对点嘅线路。

如想了解多啲关于以上屋苑嘅资讯?欢迎向我们的在线客服查询!

相关文章 :

【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【坑口揾楼】煜明苑・安宁花园・广明苑・交通与地利上车优秀选... 如果年轻人要上车揾楼,肯定听过唔少人介绍将军澳。由宝琳一带直到坑口,其实都有唔少潜力上车盘。今次,我地要带大家去到坑口附近一带,睇下啲潜力盘...
【沙田揾楼】骏景园.欣廷轩.翠华花园.沙田.多元享受生活屋苑... 人生不同阶段都有各自追求,买楼亦都系一样!不过,对生活嘅享受,每个阶段都唔可以轻易错过。...
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
【屯门揾楼】新围苑.良景村.兆轩苑.屯门首置不求人.居屋公屋大搜查... 如果住喺屯门嘅朋友一定知道,田景、建生附近,唔少屋苑都系上车热门。所以今集介绍一啲年青上车客嘅好盘源,又点可以唔唔介绍几个性价比高,又大受欢...
分享: