【将军澳揾楼】新都城・海悦豪园・富宁花园・地利靓盘应有尽有


将军澳
旺中带静,而且区内楼龄普遍年轻,系唔少换楼、上车人士嘅目标地区。但系,边啲单位间隔最适合你嘅想法?今次就带大家嚟到将军澳,一齐揾吓啲靓间隔嘅屋苑啦。

将军澳盘源都唔少,但系宝琳站上盖嘅新都城,绝对系区内数一数二嘅大型屋苑。新都城分三期,分21楝物业,合共超过6,700伙!单位数量庞大,交投炽热非常。屋苑主打2-3房单位,设计四正,实用率高达八成,而两房单位嘅数量就比较多,唔少都系眼镜房无走廊式设计,空间阔落又好用。讲到生活,屋苑三期都有独立会所,方便住户使用,而楼下就拥有区内数一数二嘅大型商场:新都城商场。加上屋苑都系包围着宝琳站而建,仲有独立天桥同通道直达车站,出入往往都系几分钟内嘅事,楼下亦有巴士总站,提供大量嘅巴士同小巴点对点往返。

靓间隔嘅盘并非宝琳独有,行过少少坑口站亦有好介绍,先睇下海悦豪园。屋苑设有两座大厦,大约700几个单位,虽然规模唔算大,但系屋苑单位装修用料靓就出晒名,而且唔少住户都认为相比其他屋苑,房/厨/厕都更大更见使,而且窗户对流通风,设计相当有心思。屋苑自设会所同商场,照顾晒住户嘅衣食住行同娱乐。电梯直落地面,行过对面街就系坑口站,上落往返都非常方便。临上车前想行吓街,坑口站贯通附近四大商场,随你心情去选择行街路线!

除咗海悦豪园,附近亦有一啲靓间隔居屋,例如富宁花园。位于宝宁路25号嘅富宁花园,属于私人参建居屋,由6座35层高嘅大厦组成,提供约2400个单位,屋苑以两到三房单位为主打,其中一个最大卖点就系实用率高达九成,而且大房大厅,不设窗台,啱晒实用主义嘅买家。屋苑附近环境清幽,翠绿怡人,适合钟意宁静生活嘅朋友。交通方面,前往坑口站亦只需10分钟,唔想行嘅话,屋苑旁边亦有巴士总站提供多条往返九龙同周边地区嘅线路。生活方面,行大约5分钟就可以去到东港城,不过住喺富宁花园,又点可以唔行过去隔离嘅坑口村?村内有中西美食,大排档,士多便利店等等,为你提供都市商场以外嘅另一种生活享受。

如想了解多啲关于以上屋苑嘅资讯?立即按此向客服查询!

 

 

相关文章 :

【坑口揾楼】煜明苑・安宁花园・广明苑・交通与地利上车优秀选... 如果年轻人要上车揾楼,肯定听过唔少人介绍将军澳。由宝琳一带直到坑口,其实都有唔少潜力上车盘。今次,我地要带大家去到坑口附近一带,睇下啲潜力盘...
【将军澳揾楼】喵?汪!盘点 3 个为主子而设的将军澳屋苑... 参见咁多位汪大人、喵大人,奴才有要事禀报!根据奴才调查所得,现时只有约 4 成屋苑可饲养宠物,对于全港接近 25 万有饲养猫或狗的住户来说,...
【将军澳揾楼】新宝城・东港城・将军澳广场・雅致靓则实用优厚... 身边唔少朋友,成日都会趁假日睇楼,除咗睇价钱之外,唔少朋友都好着重间隔设计,实用比率。不如一齐去到将军澳附近望一望,睇吓有边啲靓间隔嘅楼盘?...
【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【将军澳揾楼】维景湾畔・都会駅・彩明苑・旺中带静畅游身心... 一个健康舒适嘅地区,无论对身心都好有帮助,所以唔少屋苑都以健康同埋优质生活等等做主题。 拥有呢啲元素嘅屋苑,喺边度可以揾到 ?...
分享: