【将军澳揾楼】叠翠轩,英明苑,Monterey・实用配套一流景观

近年将军澳宝琳交通越嚟越丰富,加上起动九龙东计划一步一步实施,商、住发展都充满机遇,因此令到呢一区嘅楼盘成为香港其中一个交投热点。今次继续嚟到将军澳,一齐睇吓呢度附近有啲乜嘢实用盘。

行出宝琳站冇几远,就见到第一个要介绍嘅夹屋,叠翠轩。位于运亨路8号叠翠轩,由98年正式入伙,屋苑设有四座楼宇,提供1,424个单位,外墙嘅渐变颜色,亦系为咗配合周围翠绿山景而设,非常有心思。由于屋苑采用现代化环保设计,令到每户景观视野充足,室内光线充沛,而且户型设计多元化,比用户更多不同嘅选择。

生活方面,区内大型商场新都城就系旁边,绝对可以满足你消闲购物嘅需要。讲埋交通,屋苑有两座有盖天桥连接附近宝琳站,步行距离都系几分钟嘅时间,想搭巴士,亦都可以去到因而花园旁边嘅巴士总站,前往尖沙咀、沙田、中环等地。

离宝琳站冇几远嘅英明苑,亦都系一个热门选择。作为将军澳传统嘅居屋,经典嘅长厅格局,无窗台,实用比率高,系佢最受欢迎嘅地方,如果拣楼嘅时候间隔行先,绝对系值得推介嘅选择。英明苑由五座大厦组成,单位数量有1750伙,物业采用新十字形设计,望见四周环境清幽,单位景观以内园景同山景为主,唔好以为佢好偏僻,其实距离宝琳站都只系5至8分钟嘅路程,而且宝琳站附近巴士小巴线路繁多,交通配套相当完善。屋苑旁边就有大众化嘅宝林商场,行几分钟,就有新都城呢个大型商场,买𩠌食饭,定系约朋友睇戏聚会,选择到非常充足。

如果想选择靓则私楼,手头相对比较宽松嘅朋友,以下介绍嘅Monterey,一定啱你心水。喺宝琳站隔离嘅茵怡花园,外型设计独特,由七座物业组成,屋苑主打600至700尺嘅两房户,但系同时亦都有三房连套房单位可以选择。当年设计师因应每幢唔同嘅特性,令佢地达到可以自然采光,对流通风,同埋抵抗噪音嘅作用。屋苑平台除咗有街市同小店之外,行过隔离就系新都城中心,无论衣食住行,里面都包罗万有。除咗新都城之外,仲可以去隔离慧安园商场行吓街坊小店,绝对系另一种乐趣。交通主要以宝琳站为主,附近宝康路,亦有巴士站前往广岛东涌等等地方。小巴出观塘只系10分钟,交通选择相当多元化。

听完以上屋苑介绍,系咪仲想再知多啲?立即按此向客服查询!

相关文章 :

【将军澳揾楼】宝盈花园・唐明苑・康盛花园・优越上车新地带... 今年将军澳楼盘交投活跃,当中唔少都系年轻嘅上车户。到底呢一个地方,有啲咩咁吸引佢哋?难道……呢度上车真系特别有着数?...
【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【将军澳揾楼】喵?汪!盘点 3 个为主子而设的将军澳屋苑... 参见咁多位汪大人、喵大人,奴才有要事禀报!根据奴才调查所得,现时只有约 4 成屋苑可饲养宠物,对于全港接近 25 万有饲养猫或狗的住户来说,...
【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
【沙田揾楼】美城苑.富嘉花园.云叠花园.港铁实用屋苑... 沙田区发展成熟度高,拥有优质交通配套!加埋屯马线、沙中线三线加持,绝对系将来嘅交通重心。亦因为咁,咁多年来,好多屋苑都围绕住沙田站进行发展。...
分享: