【将军澳揾楼】维景湾畔・都会駅・彩明苑・旺中带静畅游身心

一个健康舒适嘅地区,无论对身心都好有帮助,所以唔少屋苑都以健康同埋优质生活等等做主题。 拥有呢啲元素嘅屋苑,喺边度可以揾到 ?今次就带大家去到将军澳寻宝啦 !

调景岭站侧边嘅维景湾畔,一向深受用户喜爱 。作为调景岭站第一个发展嘅私人屋苑,维景湾畔分开三期发展,由15座大厦组成,加埋超过5700个单位 ,物业提供多种不同户型,由一房至到三房连套房都有,适合各种需求嘅住户 。维景湾畔景致开扬,背山面海,环境清幽,令人身心舒畅 。如果钟意运动嘅住户,可以沿着屋苑跑到去附近嘅将军澳海滨公园,呢条拥有海滨美景嘅公园,都系香港出名靓景嘅缓跑线路之一。 屋苑会所亦提供各种康体设施供住户使用,令你有更多选择 。平时生活方面,维景湾畔有自设嘅商场,如果想多啲选择,就可以行行人天桥去到隔离嘅都会駅shopping 。最主要就系港铁调景岭站,喺正屋苑隔离,附近仲有交通交汇处提供多条巴士线路,令到呢一个自成一角嘅世外桃源,紧密连接港九各区。

行到调景岭站当然要介绍吓佢嘅上盖屋苑-都会駅 。屋苑分两期发展,一期叫做都会駅,第二期叫做城中駅,合共九座,提供近3800个单位 。屋苑主打三至四房嘅大型间隔,亦有三成两房间隔可供选择 。喜爱运动同生活健康嘅人士,屋苑提供大型嘅住客会所,基本嘅康体设施好似泳池、健身室、球场都非常齐备 。而且无论钟意踩单车定跑步嘅人,可以沿着将军澳南海滨长廊一路去到日出康城,呢度有跑步径同埋单车径,就算食完饭嚟散步都一样舒适 。交通方面,主要工具一定系调景岭站,无论过海定系去九龙,都系几分钟嘅事,而且头站出车,揾位就更加从容不迫啦。

调景岭站附近亦有大型嘅居屋楼盘,就系彩明苑啦。彩明苑,系一个居屋同公屋混合嘅屋苑,有六座大厦属于居屋部份,提供1920个单位 。居屋一向主打两至三房单位,但系彩明苑罕有地有埋三房连套房设计,非常难得。 钟意运动嘅朋友就非常之开心啦,除咗之前提及嘅海滨长廊方便跑步同踩单车嘅人士之外 ,区内嘅大型体育馆-调景岭体育馆,就系正隔离 。交通方面,距离旁边调景岭港铁站亦都只系5-10分钟嘅距离。而屋苑本身亦有自己嘅巴士站,附近仲有自己屋苑嘅商场同街市,有齐日常生活所需 。

如果想知道更多关于上述屋苑嘅资讯,立即按此向客服查询!

相关文章 :

【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【将军澳揾楼】新宝城・东港城・将军澳广场・雅致靓则实用优厚... 身边唔少朋友,成日都会趁假日睇楼,除咗睇价钱之外,唔少朋友都好着重间隔设计,实用比率。不如一齐去到将军澳附近望一望,睇吓有边啲靓间隔嘅楼盘?...
【坑口揾楼】煜明苑・安宁花园・广明苑・交通与地利上车优秀选... 如果年轻人要上车揾楼,肯定听过唔少人介绍将军澳。由宝琳一带直到坑口,其实都有唔少潜力上车盘。今次,我地要带大家去到坑口附近一带,睇下啲潜力盘...
【将军澳揾楼】宝盈花园・唐明苑・康盛花园・优越上车新地带... 今年将军澳楼盘交投活跃,当中唔少都系年轻嘅上车户。到底呢一个地方,有啲咩咁吸引佢哋?难道……呢度上车真系特别有着数?...
【将军澳揾楼】喵?汪!盘点 3 个为主子而设的将军澳屋苑... 参见咁多位汪大人、喵大人,奴才有要事禀报!根据奴才调查所得,现时只有约 4 成屋苑可饲养宠物,对于全港接近 25 万有饲养猫或狗的住户来说,...
分享: