【屯门揾楼】锦华花园.康德花园.盈丰园.铁路屋苑潜力选

十几年前,屯门交通仲未系咁方便,即使呢度唔少靓楼盘,都令到唔少买家因而却步。今时今日,西铁、轻铁贯通新界区,九龙入新界,随时快过过海 所以今集就带大家一齐睇吓,屯门有边啲港铁屋苑值得入手。

如果介绍港铁屋苑,大部份嘅楼盘都只系表示邻近港铁。 不过去到新界区,我哋睇嘅就系轻铁同港铁嘅组合网络!好似我哋第一个要介绍嘅盈丰园 盈丰园位于良德街9号,有两座物业,约600个单位,提供两至三房户型,以两房为主打,面积约360-510呎左右,屋苑有自设嘅停车场同埋商场,自设商场选择繁多,而且邻近建生邨,附近宝怡花园同埋建生邨,亦有更多购物选择。

讲到交通,盈丰园位于轻铁站田景站同建生站之间,往返区内非常方便,而且坐轻铁去到屯门西铁站都只系8-10分钟,楼下附近亦有唔少巴士站,提供港九同埋机场路线。

我哋慢慢靠住屯门西铁站行过去,就见到第二个要介绍嘅康德花园 。石排头路11号嘅康德花园,共有三座物业,708个单位,主打传统嘅两至三房间隔,面积大约有470几至600几呎左右,实用率达七成半。 屋苑有会所提供,基座有大量嘅民生商铺,亦邻近其他屋苑嘅广场同食肆,足以补充日常需要。 楼下有唔少港九路线嘅巴士同小巴,呢度坐接驳巴士去屯门站,都只系5分钟之内,由屯门站出尖沙咀,30分钟左右就到。

跟住第三个介绍嘅屋苑,就系最近屯门站嘅屋苑-锦华花园。屋苑位于屯隆街1号,有两座物业,一梯八伙,提供496个单位,统一都系两房户型! 相信唔少买家都会上网做功课,冇错!呢个屋苑近乎冇负评!单位间隔实用,屋苑内外新净,管理不俗,仲可以系屋企望到屯门河嘅美景,难怪近年一盘难求! 屋苑亦有平台花园,泳池,同埋儿童游乐场。 生活方面,以V city为首嘅大型商场近在咫尺,附近亦有大量地舖、屋苑商场等等!行到楼下,先决定买乜都未迟。

讲到交通,屋苑最出名嘅地方就系距离屯门站都只系2分钟左右,无论返工返学,出门预时间都可以更有把握。楼下亦有轻铁嘅杯渡站,方便往返区内,而且西铁站旁边亦有巴士总站,贯通港九新界。

如想了解多啲关于以上屋苑嘅资讯?欢迎向我们的在线客服查询!

相关文章 :

【屯门揾楼】泽丰花园.翠林花园.景峰花园.三大靓房「花园」全面睇... 好多追求单位实用靓间隔嘅人士,都特别钟情于居屋盘,而屯门就有唔少靓则居屋,设计格局甚至同私楼有得挥。...
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
【屯门揾楼】新围苑.良景村.兆轩苑.屯门首置不求人.居屋公屋大搜查... 如果住喺屯门嘅朋友一定知道,田景、建生附近,唔少屋苑都系上车热门。所以今集介绍一啲年青上车客嘅好盘源,又点可以唔唔介绍几个性价比高,又大受欢...
【屯门揾楼】丰景园.南浪海湾.富健花园.美景动人靓则盘... 系好多年前,屯门区交通仍然未系咁方便,为咗吸引用户,唔少楼盘嘅单位间格都设计得四正实用。而家屯门交通便利,呢啲间隔咁好嘅靓盘,立即成为抢手货...
【屯门揾楼】大兴花园.新屯门中心.兆隆苑.年青上车盘.屯门三大精选... 屯门区,楼价门槛低,屋苑质素普遍高,以上种种成为唔少上车人士嘅睇楼第一站。今集,我地就一齐睇下三个屯门不同地段嘅上车屋苑,有冇边个啱你心水!...
分享: