【马鞍山揾楼】天宇海.晓峯湾畔.岚岸.换楼新热点

近年唔少换楼客聚焦马鞍山,全因马铁通车之后,呢度嘅靓盘渐渐受到大众注目!无敌海景,背山面海,成熟嘅配套发展,静中带旺嘅社区模式,系唔少换楼人士向往嘅理想生活地。今次,就带大家一齐睇吓马鞍山嘅换楼新热点。

马鞍山,除咗马鞍山站附近大型屋苑外,由大水坑至到恒安站中间呢一段路,就有唔少换楼嘅黄金笋盘,例如晓峯湾畔!前身属于夹屋嘅晓峯湾畔,屋苑超过一半嘅单位都拥有无敌海景,而且实用率高。单位主打两至三房,大房大厅,部份高层单位设有露台。除咗吐露港无敌海景,天色好嘅日子,连远方八仙岭山景都可以一览无遗。屋苑嘅会所亦相当多元化,康体设施全部齐备。行大约五至7分钟,就可以去到大水坑站,附近街道巴士站,亦提供港九新界多条路线。

第二个要介绍嘅,就系面向沙田海嘅岚岸。屋苑沿海而建,由6座物业组成,呈U字型排列,提供1030伙单位。呢度七成嘅单位拥有广阔海景,而且户户有露台,供住户行出室外欣赏。单位嘅面积,由600几尺至到超过1300几呎不等。屋苑嘅住客会所设施非常丰富,包括室内、外泳池,健身室,园林景致,宴会厅等等。平日生活,住户可以去到锦泰商场购物,里面生活百货一应俱全。交通方面,屋苑邻近恒安站同大水坑站,唔同座数嘅住户,可以因应距离选择!路程大约五至7分钟左右。

不过阁下如果目标想换大单位,就唔能够唔睇埋天宇海。天宇海由12座分层楼宇,同埋14座独立屋组成,采用双梯四户设计,单位总数1143伙。分层单位面积介乎600至1000几呎,而独立洋房则大约1600几呎。屋苑提供超过400个住客车位,而且物业电梯亦可以直达停车场,亦系一大卖点。呢度嘅住客会所,楼高五层,占地9万平方呎,属于6星级配套。屋苑邻近海滨长廊,住户日常可以去附近踩单车或者跑步,都系一个休闲身心嘅选择。交通方面,屋苑邻近恒安站,行过去都唔使5分钟!附近亦有唔少通往港九各区嘅巴士路线。日常生活,就可以去到马鞍山站嘅马鞍山广场,新港城中心,入面有更多丰富嘅选择俾你拣!

想了解多啲关于以上屋苑嘅资讯?欢迎向我们的在线客服查询!

相关文章 :

【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
【屯门揾楼】豫丰花园.聚康山庄.怡乐花园.换楼客的世外桃源... 屯门系众所周知嘅上车天堂,不过可能唔多人知道,其实呢区都系换楼客嘅世外桃源。 如果想细屋换大屋,又或者揾返啲有规模同配套嘅私楼,今集介绍嘅屋...
【马鞍山揾楼】锦丰苑.锦泰苑.锦英苑.锦绣置业新势力... 近年唔少年青人,将马鞍山定位为首次置业嘅目标。自从马铁通车之后,马鞍山唔少优质居屋逐渐出现喺大家眼前!沿海包围,景色怡人,交通方便……种种优...
【马鞍山揾楼】马鞍山中心.雅典居.晓峰湾畔.海天一角.走进马鞍山特色屋苑... 自从马铁通车之后,马鞍山社区得到迅速发展。呢个社区宁静雅致,自成一角,系唔少追求生活享受人士梦寐以求嘅地方。今次一齐行吓马鞍山,睇吓有边啲令...
【沙田揾楼】帝堡城.花园城.田园阁.优质学府逐个捉... 沙田人杰地灵,居住旺中带静,空气清新风景怡人,绝对适合家庭居住。不过搬去沙田住,小朋友嘅校网分配又会系点?呢区有边啲出名嘅学校呢?今集就向大...
分享: