【主题屋苑】黄大仙上车屋苑逐格睇

作为年青人,想独立出嚟社会生活,置业自然系首要目标!无论买楼定租楼,手头资金又未必够,唔通梦想生活,真系海市蜃楼?今次带大家嚟到有求必应嘅黄大仙,呢个区话唔埋可以实现你嘅梦想呢?

黄大仙嘅居屋天马苑,长年都系置业人士嘅心水之选 。全因屋苑超过2800几个单位,大部份主打嘅都系一到两房嘅上车单位,无论租、买都性价比高!

天马苑实用面积由340至410尺不等,而且为处于黄大仙半山,风景开扬。 楼下连接区内主要干道龙翔道,有多条巴士线路接驳各地 ,距离黄大仙站只系8-10分钟嘅距离,返工返学都非常方便!附近仲有不同嘅大型中心俾住户享用,例如黄大仙中心、钻石山嘅荷里活广场,以及乐富广场等等。

屋苑周围都有唔少嘅康乐设施,好似大型嘅摩士公园,提供不同嘅消闲设施,方便大家舒展筋骨,锻练身体 。

距离天马苑只系1街之隔嘅翠竹花园,亦都系大受上车客追捧嘅屋苑之一。同样处于黄大仙半山嘅翠竹花园,佢一共分三期,分由14座大厦组成,提供超过3500个单位。 成个屋苑主打两房至三房户,而屋苑最为人称道嘅地方,就系佢嘅实用面积接近九成,间隔极为实用 。

翠竹花园位处于狮子山傍,附近人流唔多,环境清幽,适合喜爱宁静生活嘅人士,高层单位更加可以远望九龙湾嘅海景。翠竹花园属于私人发展商参与居屋,所以屋苑配套亦相当完备,除咗停车场、公园等等之外,仲连室外泳池都有,大大提高咗生活质素。

交通方便,附近有竹园村巴士总站,提供前往九龙市区嘅巴士路线。 或者可以行10分钟左右,去到楼下嘅黄大仙地铁站,转驳港铁去到其他地方。

第三个介绍嘅屋苑,就系近年黄大仙嘅新贵 —现崇山 。2012年正式入伙嘅现崇山,发展商系嘉里建设。 8座单位平均楼高31层,为整个屋苑提供左968个单位。 为方便唔同嘅住户需求,屋苑单位由两房至四房连储物室都有,楼层景观比较统一,无论价钱高低,室外景观同样怡人。

相对于居屋同埋公屋为主嘅黄大仙区,现崇山嘅出现可以话系别树一格,为整个地区带来一番新气象。例如佢拥有区内最大型嘅住客会所连平台花园,总面积超过12万尺,里面提供超过20项嘅会所设施,仲有两个大型宴会厅可以举办不同活动。

屋苑自设商场,连同黄大仙中心连成一个共享商圈,为住客提供各式生活需要。交通便利亦系现崇山一大卖点,去黄大仙地铁站只需几分钟路程,连同龙翔道同沙田坳道嘅海量巴士站,港九新界,任意选择。

三个介绍,各有不同特色,符合唔同年轻住户嘅需要。 听完介绍有冇令你心动想知多啲?立即按此向在线客服查询啦!

相关文章 :

【领先指标】信心指数回升 减价盘减少 楼价将止跌回稳?... 美联首创「美联信心指数」每周追踪网盘价格变化,反映业主信心及巿场情绪,预示楼价走势!本周信心指数回升,减价盘按周有所减少。...
【直播论坛】赢在「小阳春」?!12 生肖置富锦囊|特别嘉宾:司徒法基... 楼巿「小阳春」早至!鼠年旺势开局!邀得堪舆学家司徒法基及经络按揭转介高级副总裁曹德明分别从玄学及按揭巿场角度,分析「小阳春」格局,同场加映 ...
【直播论坛】一手验楼千奇百趣 二手唔验唔知「伏」?|特别嘉宾:赖达明... 近年一手楼热卖,不少新盘入伙,新业主收楼后第一件事,往往是于屋内贴满 Memo 纸,让验楼师检查清楚,满意才「收货」。到底新盘业主收楼程序是...
【新手教学】买二手楼流程逐格睇! 二手楼即买即住,加上楼价普遍较同区新盘相宜,成为唔少人上车首选,今集同大家介绍购买二手楼步骤。...
【主题屋苑】红磡屋苑品味全接触 选择一个物业,除咗价格之外,唔少人都会追求生活享受嘅品味 。红磡区作为一个发展成熟嘅区域,里面亦有唔少充满生活品味嘅屋苑。...
分享: