【元朗揾楼】原筑.御景园.蝶翠峰.低密度健康人生

香港地小人多,屋苑楼盘起到密密麻麻。但系如果有人追求环境舒畅,自然系要向低密度发展 。如果你有呢个意向,元朗就啱晒你啦。

离开元朗市中心,有唔少低密度嘅住宅群,先讲御景园。屋苑6座物业,只系得473个单位,平均每座少于80户,建筑密度够晒低 。屋苑主打两房及三房连套房,空间感大,而且每幢楼高大约十几层,令到每户采光度都好充足。除咗高级住客会所之外,御景园楼下有大量绿化空间,而且旁边就系元朗公园,适合钟意郊外景观嘅朋友。呢个屋苑最大特色,就系车位充足,比例近乎一比一,对于揸车人士绝对系一大福音! 不过屋苑亦安排穿梭巴士,接送住户前往元朗广场,屋苑门口亦有巴士前往元朗同埋朗屏站。日常生活,元朗嘅形点商场或者大街,就提供大量购物选择。

离开公园行落十八乡路,冇几耐就会见到我哋第二个要介绍嘅屋苑,原筑。一字型排列喺屋苑嘅最大特色,4座物业提供542个单位。今集介绍嘅三个屋苑当中,呢个屋苑嘅景观最开阔,因为物业一字排开,无论前后嘅住户,视线都无遮无挡,中高层单位,仲可以望晒市中心同村屋嘅景色。屋苑规模唔大,但系环境设施都相当充足,会所己经有齐基本配套。 由于乡效路段景色丰富,唔少喜爱缓跑嘅人士,都经常喺度锻练身心。

交通方面,屋苑同样提供专车接送,往来屋苑同元朗西铁站,去到西铁站,出市区都只系需要30分钟。朝早繁忙时间,仲有特别班次嘅巴士,前往观塘铜锣湾等等上班地点。

第三个介绍嘅就系蝶翠峰,同样都系主打低密度嘅生活空间。蝶翠峰系附近规模比较大嘅中低密度屋苑,18座物业,平均楼高14层,提供1674个单位。屋苑主打三房户型,间隔变化比较多,亦提供两房单位。喜爱运动嘅住户,除咗可以喺屋苑会所里面揾到健身室泳池等等嘅康体设施之外,附近亦有体育馆,可以话大把选择。 交通方面,屋苑同样提供穿梭巴士,前往元朗广场同埋元朗市中心一带 。

以上屋苑都可以话系静中带旺,动静皆宜。 今集介绍系咁多,想知多啲?欢迎按此向我们的在线客服查询!

相关文章 :

【元朗揾楼】尔峦.RESIDENCE誉88.好顺意大厦.间隔靓盘隐世之选... 元朗区嘅物业选择总类繁多,由上车楼盘到豪宅洋房都有, 所以靓间隔嘅盘从来都唔缺乏,不过云云屋苑当中,有边啲系精选?...
【天水围揾楼】嘉湖山庄.天盛苑.天颂苑.健康生活便利屋苑... 坐拥香港后花园嘅天水围区,一向都系爱宁静同埋追求健康生活人士嘅聚居点。 如果你欣赏天水围呢一点,并且打算喺度定居嘅话,咁样今集介绍嘅内容,你...
【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
【多相】朗城汇示范单位首度曝光! 新界西北区多个新盘快将出笼。华懋集团旗下元朗朗城汇首度安排传媒参观示范单位,其中参照3座28楼H室搭建的连装修原则三房户,实用面积690方呎...
【马鞍山揾楼】天宇海.晓峯湾畔.岚岸.换楼新热点... 近年唔少换楼客聚焦马鞍山,全因马铁通车之后,呢度嘅靓盘渐渐受到大众注目!无敌海景,背山面海,成熟嘅配套发展,静中带旺嘅社区模式,系唔少换楼人...
分享: