【天水围揾楼】嘉湖山庄.天盛苑.天颂苑.健康生活便利屋苑

坐拥香港后花园嘅天水围区,一向都系爱宁静同埋追求健康生活人士嘅聚居点。 如果你欣赏天水围呢一点,并且打算喺度定居嘅话,咁样今集介绍嘅内容,你就唔能够错过啦!

由长江实业发展嘅嘉湖山庄,属于区内旗舰级屋苑, 58座物业,提供接近16,000个单位,以2-3房为主打,面积介乎四百几至六百几呎, 嘉湖山庄占地达400万平方呎,而当中近9成,即系360万呎属于绿化带,比例全港最高! 而当中亦有天水围公园,绿树成荫,鸟语花香,附近有大量体育场地,整体休闲空间可谓区内屋苑之冠。生活方面,嘉湖山庄有自设商场,占地达66万尺,生活娱乐全部齐备。 屋苑亦提供接驳巴士,接载每期嘅住户前往天水围站,都相当方便。

如果阁下钟意呢度嘅环境,但又想揾啲性价比高啲嘅屋苑,旁边嘅天颂苑,都系唔错嘅选择。屋苑15座物业座拥超过6000个单位,户型变化多,由开放式至三房间隔都有,面积介乎400至600几呎!虽然天水围公园附近都有几个屋苑,但系如果以居屋嚟计,最近始终都仲系天颂苑,而且规模之大,亦只系仅次嘉湖山庄。交通方面,由于天水围建设嘅时候,轻铁站差不多直达每一个屋苑,加上大马路亦有唔少港九巴士经过,所以往来交通非常方便。

如果阁下想揾居屋,又系九晚五上班一族,咁就要介绍埋天盛苑 先讲基本资料,天盛苑由17座物业组成,拥有接近6,600个单位,喺香港现时规模最大型嘅居屋屋苑。当中有13座属于私人屋苑格局嘅康和式设计,有4座属于公屋格局嘅和谐式设计, 虽然以地利比较,屋苑旁边仲有一个天祐苑,不过由于佢得1800几个单位,所以用放盘量计,天盛苑交投就显得更易入手。 屋苑规模大,当中亦有自己嘅绿化园林,亦都算得上系清静怡人,令到附近嘅住户,都会羡慕佢哋拥有自己嘅私人休憩空间

楼下屋苑嘅天盛商场,喺区内嘅大型商场,旁边仲有天耀商场,向上行多几分钟,又有嘉湖山庄嘅大型商场,选择多元化。 加上呢度同天水围站只系一街之隔,返工返学,出门上落都非常方便 今集介绍系咁多,仲想知多啲?立即按此查询!

相关文章 :

【元朗揾楼】原筑.御景园.蝶翠峰.低密度健康人生... 香港地小人多,屋苑楼盘起到密密麻麻。但系如果有人追求环境舒畅,自然系要向低密度发展 。如果你有呢个意向,元朗就啱晒你啦。...
【嘉湖山庄】从基建「动」悉天水围 嘉湖山庄为区内大型屋苑,房型选择多,价钱比市区楼便宜,而且屋苑绿化范围广,空间较大,环境舒适......
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
【屯门揾楼】锦华花园.康德花园.盈丰园.铁路屋苑潜力选... 十几年前,屯门交通仲未系咁方便,令到唔少买家因而却步。今时今日,西铁、轻铁贯通新界区,九龙入新界,随时快过过海 所以今集就带大家一齐睇吓,屯...
【将军澳揾楼】新都城・海悦豪园・富宁花园・地利靓盘应有尽有... 将军澳旺中带静,而且区内楼龄普遍年轻,系唔少换楼、上车人士嘅目标地区。但系,边啲单位间隔最适合你嘅想法?...
分享: