【观塘揾楼】晓丽苑・顺致苑・Peninsula East・宁静雅致的小绿洲

环境清幽嘅屋苑,对于一啲喜爱舒适宁静嘅业主来讲,绝对系理想嘅选择。除咗新界、西贡之外,闹市当中会唔会都有呢啲屋苑存在?梗系有啦,今日带大家去到观塘一带,睇吓呢啲闹市当中嘅绿洲屋苑。

 

呢度四周翠绿包围,鸟语花香,骤眼望过去,真系同西贡新界一带有几分相似,其实呢度就系观塘嘅晓丽苑。位于观塘晓光街21号嘅晓丽苑,属于居屋物业,屋苑分为八座,每层16伙,单位数量大约4800个左右。晓丽苑同普遍居屋一样,都系主打两至三房间隔,面积大约400至600几呎左右 清幽嘅环境,新鲜嘅空气,而且地势高,可以望到九龙湾同埋观塘一带嘅风景!绝对系闹市中嘅小花园。生活方面,晓丽苑旁边就系秀茂坪商场,邻近亦有晓光街体育馆可以比住户使用。喺屋苑乘坐小巴、巴士前往观塘站,亦都只系几分钟嘅时间,而且附近亦有通往港九嘅巴士路线,生活需求完全满足。

 

沿路行上少少近半山位置,就会见到顺致苑。位处观塘半山嘅居屋顺致苑,由六座物业组成,大约有1500几个单位,单位面积大约有400至700呎左右,顺致苑系全港至今唯一拥有顶层复式单位嘅居屋!而所有嘅单位都属于免补地价居屋,可以喺市场自由出售转换,有咁嘅特色,真系非常罕见!位置半山,拥有绿化行人道,空气又好,行过去冇几远就系著名嘅佐敦谷公园,望住一片绿油油嘅大草地,踏出每一步都系健康嘅气息。生活方面,屋苑可以通往邻近顺利邨商场,里面超市食肆齐备,生活不假外求。而顺利邨巴士总站亦提供前往观塘,港岛以及九龙区嘅巴士,选择上亦十分之灵活。

 

望完两个咁有特色嘅居屋单位,带大家行远少少去到油塘嘅私人屋苑,PENINSULA EAST。由九龙仓发展嘅Peninsula East,属于油塘嘅新型屋苑项目,屋苑由两座相连物业组成,一梯四伙,提供256个单位,PENINSULA EAST嘅标准单位面积介乎517至1033呎,布局由2房至4房都有,当中2房单位超过5成,属于主打项目。由于呢度每户楼底高达3.15米,加上景观开扬,附近冇高楼遮挡,可以饱览鲤鱼门同埋启德一带嘅海景。喜欢运动生活嘅人士,可以沿着海边跑步去到鲤鱼门,环境清幽,又少人烟,可以畅快咁舒展身心,或者可以选择留喺屋苑嘅会所,里面泳池,健身室等等设备亦,无需四处奔走都可以有充足嘅运动空间。平时嘅主要交通,就系距离大约几分钟路程嘅油塘站,返工返学,出门都非常方便。如果临出发前想行吓街,可以喺油塘站旁边嘅大型商场「大本营」消费购物,基本嘅潮流美食生活所需都一应齐备。如果想过海,油塘站上车几分钟就到。

 

听完以上屋苑介绍,系咪仲想再知多啲?立即按此向客服查询!

相关文章 :

【启德揾楼】启德1号2期・嘉汇・龙誉・爱上宠物屋苑的理由... 我哋生性活泼,最爱放电,无得玩我好闷架!佢咁锡我哋,揾屋唔会唔理我感受吓嘛?...
【蓝田揾楼】丽港城・汇景花园・观月.桦峯・一线学府集中地... 蓝田同观塘嘅楼盘,好似「丽港城」,「汇景花园」同埋「观月.桦峯」近年受到唔少家庭用户追捧,全因为单位性价比高,附近生活方便舒适。...
【真系咁笋?】观塘凯汇位置有几好?3分钟带你实测... 观塘区商厦林立,更有望成第二个核心商业区,不过近年缺乏新盘落成,凯汇自然成区内焦点。凯汇除了规模大,涉及近2000伙,而且户型选择多元化,提...
【马鞍山揾楼】迎海.迎海·星湾.迎海·星湾御.迎海靓景三重奏... 香港各区靓景屋苑多箩箩,不过海景绝对系最多人追求嘅终极目标。自从马铁通车之后,马鞍山呢一个临海地段,就成为唔少想拥有靓景单位人士嘅必争之地。...
【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
分享: