【红磡揾楼】红磡屋苑品味全接触

选择一个物业,除咗价格之外,唔少人都会追求生活享受嘅品味 。红磡区作为一个发展成熟嘅区域,里面亦有唔少充满生活品味嘅屋苑。 跟住落嚟介绍嘅呢三个屋苑,有唔同嘅主题风格,适合买家不同嘅性格!

近年红磡嘅海滨南岸成为唔少生活品味追求嘅好选择,最主要因为佢嘅设计以及屋苑配套。前身为居屋“红湾半岛”改建而成嘅海滨南岸,位于红磡爱景街。7座物业,提供2470个单位,受惠于居屋间格,单位设计实用又加贴地同实用。屋苑主打两房至三房单位,平均实用面积由500几至接近700几尺。

要数到佢最有特色嘅地方,莫过于佢嘅住客会所!占地22万尺,天幕及墙身都以玻璃设计,感觉华丽时尚 会所里面嘅设施应有尽有!泳池、gym room、保龄球、篮球、按摩浴池⋯⋯住户提供完美优质嘅消闲生活服务。 无论三五知已,定系自己一个,唔使行出屋苑,都已经可以慢慢享受属于自己嘅休闲时光!

海滨南岸行过少少,就见到要介绍嘅另一个屋苑︰半岛豪庭。 作为红磡其中一个地标式私楼,半岛豪庭外观上已经充满咗大型屋苑嘅格调,好多电影电视剧都慕名嚟呢度取景! 整个屋苑大约1万5千平方米,分五座合共1669个住宅单位。除咗第一之外,2-5座连合成一个大弧形设计,充满时尚高档嘅气势。

不同性格有不同生活品味,所以半岛豪庭亦提供各式单位俾住户选择,由开放式到1-4房单位,更有少量高层复式设计,超过2000尺嘅单位!

顶级屋苑自然要配顶级会所,半岛豪庭最出名嘅亦系佢地酒店级嘅住客会所!户外暖水泳池、按摩池、宴会厅、戏院等等!咁多享受,生活精彩指数自然大大提高。 屋苑出行亦都非常方便,屋苑有天桥连接红磡火车站。 想过海,亦可以到红隧口嘅巴士站选择适合嘅路线。

不过嘅然嚟到红磡火车站,就一定要介绍佢上盖嘅服务式住宅屋苑,都会轩! 虽然都会轩位处于红磡站上盖,不过地点上佢系计尖沙咀﹐如果阁下有小朋友,校网就要注意啦! 讲番都会轩,佢位于红磡都会道8-9号,由长江同和黄发展及管理,属于服务式住宅! 屋苑由两座物业组成,合共662个单位!单位面积由400几至1000尺选择都有! 都会轩生活上,最大嘅卖点就系佢周边生活设施嘅配套 以景观为例,高层单位可以远望维港美景。 落到楼下就系红馆,无论演唱会或者大型活动,你随时随地都可以参与其中。

红磡站作为交通枢纽、屯马线、沙中线全部都可以一站连接。巴士站线路包含港九新界,的士站都系楼下左近,以上嘅全部都系几分钟路程就可以行到! 附近仲有科学馆同文化博物馆,每年嘅专题展览琳瑯满目,亦都系呢个屋苑嘅一大卖点。 如果想去到小区附近寻宝,有连接红磡火车站嘅天桥行到去黄埔,附近亦都有好多精美嘅小店,食肆同埋商舖俾你慢慢发掘寻宝。

听完以上嘅介绍,如果想了解更多资讯,立即按此向在线客服查询啦!

相关文章 :

【启德】潜力‧起动‧沙中线 兴建中的港铁沙中线将连接启德与香港主要商业区,大围至红磡段料于2019年通车,而红磡至金钟段将于2021年通车。配合日后港深广高速铁路2的落...
【马鞍山揾楼】天宇海.晓峯湾畔.岚岸.换楼新热点... 近年唔少换楼客聚焦马鞍山,全因马铁通车之后,呢度嘅靓盘渐渐受到大众注目!无敌海景,背山面海,成熟嘅配套发展,静中带旺嘅社区模式,系唔少换楼人...
【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
【屯门揾楼】豫丰花园.聚康山庄.怡乐花园.换楼客的世外桃源... 屯门系众所周知嘅上车天堂,不过可能唔多人知道,其实呢区都系换楼客嘅世外桃源。 如果想细屋换大屋,又或者揾返啲有规模同配套嘅私楼,今集介绍嘅屋...
【你想做业主】直击实战个案 专家投资心法大公开!... 香港人出名灵活、变通、效率高,即使在疫巿、需要排长龙睇示位又或者无楼睇,也无法动摇做业主的决心。 然而做业主又怎会如此简单?就算已经储到首期...
分享: