【将军澳揾楼】天晋・将军澳中心・蔚蓝湾畔・优质港铁生活网

港铁四通八达,系香港人返工、返学、出门嘅首选交通工具,所以如果住嘅地方邻近港铁站,肯定大大加分。而香港有一个地方,唔少屋苑都系围住港铁站而兴建,呢度就系将军澳啦!

 

讲到将军澳,首要介绍一定系将军澳站上盖物业-天晋。好多人知道天晋一共分四期,你喺将军澳站上盖嘅属于第一期,第一期嘅项目有六座大楼组成,提供超过1000个单位,屋苑主打三至四房嘅大型单位,以三房单位较多!而且单位普遍面积超过1000呎,目标当然系细屋换大屋嘅换楼客。作为将军澳最地标式嘅大型屋苑,最大嘅卖点当然就系屋苑直达商场同埋港铁站,平时如果想生活消费,换对拖鞋行落楼下,就已经系大型购物商场Popcorn!大型超市、食肆、潮流服饰、戏院等等应有尽有。 而旁边嘅将军澳中心、Popwalk亦有天桥连接,为住户提供不同享受。交通方面,屋苑同将军澳站零距离,即使当日想坐下巴士,附近亦有大型交通交汇处可以俾你选择点对点嘅路线。

如果阁下家庭人数唔多,想喺附近揾啲两房单位,旁边嘅将军澳中心就啱晒你。将军澳中心一共分三期,有12座物业组成,提供超过4500个单位。屋苑提供二至四房单位,不过主打标准两房户,面积方面有384尺至九百几呎左右。住喺呢区嘅朋友都知道,将军澳中心其实同港铁站距离都只不过系对面马路,行路几分钟就到,而且屋苑仲有行人天桥直达对面港铁站,无论天气好坏,住户都唔需要担心日晒雨淋。将军澳中心本身设有大型商场,同时受惠于附近多个大型楼盘,佢哋嘅基座商场亦连成咗一个强大嘅娱乐生活圈。

 

睇完将军澳站,搭地铁行过一个站,一齐去参观坑口站嘅上盖物业-蔚蓝湾畔。同样属于港铁上盖物业嘅蔚蓝湾畔,亦都系区内嘅人气之王。屋苑有六座物业,超过2100个单位,主打间隔系两至三房,当中以两房单位供应较多,适合中小型家庭嘅换楼人士。屋苑嘅景观亦都相当不俗,高层可以望到大片嘅坑口区,中低层,亦都可以望住屋苑嘅内园景,而屋苑嘅内园景设计亦相当不俗,全因为拥有一个区内数一数二嘅豪华大型会所,除咗设施齐全,设计富丽堂皇嘅系其中一大卖点。屋苑主要交通工具,当然就系楼下嘅坑口站!返工返学都唔系问题。如果你喺科大读书或者工作,呢度亦有小巴往来,时间都只系5至10分钟,瞓晏啲起身都唔使惊迟到!

听完今次嘅介绍,系咪仲想知多啲呢?立即按此向客服查询!

 

相关文章 :

【蔚蓝湾畔】铁路楼上 极速“上楼” 蔚蓝湾畔于港铁坑口站上盖,交通方便,加上邻近大型商场,又有冷气天桥贯通邻近屋苑商场,店舖食肆林立,生活非常方便......
【将军澳揾楼】天晋II・天晋IIIB・海天晋・换楼大户临海美景... 想换楼,自然希望屋企嘅周边环境配套设施更上一层楼,但系我相信你内心都有疑问:边啲先至系换楼好选择?=...
【将军澳揾楼】君傲湾・天晋IIIA・致蓝天・重点校网靓盘大检阅... 今年将军澳楼盘火热,唔少家庭都认为将军澳系上车或者系换楼嘅好地方,但系除咗居住环境之外,校网亦都系唔少家长其中一样选“宅”烦恼。...
【南丰广场】单边地利 坑口私楼“丰”范... 坑口区配套成熟,行人天桥接驳多个商场,包罗各式食肆商舖,逛街购物无需日晒雨林,成为不少人的上车心水地区......
【将军澳揾楼】维景湾畔・都会駅・彩明苑・旺中带静畅游身心... 一个健康舒适嘅地区,无论对身心都好有帮助,所以唔少屋苑都以健康同埋优质生活等等做主题。 拥有呢啲元素嘅屋苑,喺边度可以揾到 ?...
分享: