港铁路线贯通香港,系大多数人返工返学嘅必然选择。所以有港铁站加持嘅屋苑,往往都系买楼人士嘅热门之选。今次嚟到将军澳另一边,睇下呢度有边啲好盘源?
由港铁牵头发展嘅日出康城,近年已经成为好多中产置业人士嘅心头好。能够令人聚焦将军澳北,其中一个主要原因,绝对系呢个专为屋苑而建嘅“康城”港铁站。临海而建,远离繁嚣嘅世外桃源,由地铁上车,去到中环都只系20几分钟。而喺日出康城站上盖嘅致蓝天,更加备受买家追捧。
2015年入伙嘅致蓝天,屋苑总数为8座,提供1600多个单位。而单位开则主打3-4房户,所以深受换楼人士欢迎。同时,亦提供罕见4房双套,适合对生活有更高追求嘅买家。致蓝天另一个吸引之处在于开扬嘅景观,单边设计可以令住户可以饱览鲤鱼门,将军澳公园等等优质靓景。除咗港铁之外,附近嘅巴士线路亦不断扩增,配合埋即将落成嘅将军澳-蓝田隧道,交通组合势必更上一层楼。
日出康城站附近亦有性价比高嘅屋苑提供,例如峻滢。距离康城站10分钟嘅峻滢,分两期发展 第一期分六座,提供大约1700几个单位,以两房实用单位为主。第二期以三座大厦组成,提供800几个单位,主打两房及三房套房。由于峻滢靠山而建,令住户可以尽享清水湾山景同清新空气。 配合埋15万呎嘅住客会所,每日都会有住放假嘅感觉。交通方面,屋苑距离康城站大约10分钟距离,头站出车,大把位坐。楼下亦有唔少巴士同小巴往返将军澳、坑口,出门选择更多。
离开康城站,转头就去到将军澳站,一出站,抬头就望到屋苑君傲湾。君傲湾只有三座大厦,但系就提供接近1500个单位,全因屋苑向高发展,最高楼层去到57楼。单位间隔分有两房及三房,当中主攻系两房嘅标准单位,不过无论乜嘢户型,单位都会有自己嘅露台。屋苑最令人羡慕之一,就系楼下基座已经系区内大型购物商场Popcorn!
由超市、戏院、商铺等等超过100间商店打造嘅商圈,成为区内大型休闲购物地标。讲到交通的,君傲湾同将军澳站都只系相距1至2分钟嘅路程,无论返工返学,出门嘅时间都更有弹性。而旁边同样都系2分钟左右距离,就系将军澳公共交通中心,有多条巴士、小巴线路往来港九,以及邻近区域。 地理条件咁优厚,难怪君傲湾系区内人气一直长期高企!
听完今次嘅介绍,系咪仲想知多啲呢?