【新蒲岗揾楼】嘉峰台・琼山苑・钻岭・年轻置业梦成真

好多人话楼价高,资金限制左年青人嘅上车梦,我就话,好多优质笋盘其实隐藏各区各地。嚟到新蒲岗呢度,就有三个上车屋苑,睇下有冇机会一圆你嘅置业梦?

第一个要介绍嘅就系新蒲岗嘅嘉峰台!屋苑属于私人机构参建居屋,由五座物业组成,总共2010个单位。屋苑主打两房及三房单位,实用面积就由400几至600几呎左右,间隔四正,实用率超过八成。单位景观方面,以翠绿山景为主,部份向南嘅单位更加可以远望启德海景,可谓景致多变。嘉峰台地势较高,住户可以远离繁嚣,适合喜爱宁静生活嘅年轻上车客。屋苑亦自设商场,附近食肆商铺齐备,生活配套不假外求,屋苑楼下亦设有穿梭黄大仙钻石山嘅小巴站,班次非常频密。

第二个要介绍嘅,嘉峰台旁边嘅琼山苑。同样属于居屋物业嘅琼山苑,由六座物业组成,合共提供1584伙单位,屋苑同样都系主打两房及三房单位,实用面积就由400几至500几呎左右。由于屋苑属于区内早期居屋,所以设计实用性高,单位四正无窗台,令到空间更加见使,而且楼价易于承担,所以成为唔少首次置业人士嘅心头好。虽然琼山苑并无屋苑商场,但住户可以共用附近富山村嘅超市以及商铺,基本生活无忧,而且附近小巴同巴士线路充足,前往黄大仙同钻石山都只系几分钟嘅车程,无论想去大型街市买𩠌,定系想去大型商场行街,都非常方便。而且屋苑邻近蒲岗村道运动场同埋斧山道游乐场,喜爱运动嘅你,总会揾到适合自己嘅活动空间!

第三个要介绍嘅就系位同区嘅另一个上车盘-钻岭。钻岭位于环凤街68号,2018年入伙,系于区内嘅年轻物业之一。而物业属于单幢式住宅项目,合共234伙,单位面积由198至654呎,当中8成以上为300呎以下嘅上车盘,难怪会成为唔少置业人士嘅心水选项之一。钻岭附近社区发展成熟,有街市、食肆同唔少社区商舖,除咗价廉物美,商户仲好有人情味添,而冇几远就有荷里活广场,大型戏院、潮流商舖、各地美食统统齐备,满足大家购物娱乐嘅需要。屋苑虽然地势偏高,但系附近就有唔少巴士同埋小巴路线提供!落到去黄大仙,交通选择就更加种类繁多。住户亦可以去到荷里活广场嘅大型交通中心,坐巴士或地铁出行,任君选择。

听完以上介绍,仲想了解更多嘅屋苑详情?立即按此向客服查询!

 

相关文章 :

【黄大仙揾楼】黄大仙上车屋苑逐格睇... 作为年青人,想独立出嚟社会生活,置业自然系首要目标!无论买楼定租楼,手头资金又未必够,唔通梦想生活,真系海市蜃楼?...
【新蒲岗揾楼】星河明居・峻弦・誉・港湾・换楼新晋地... 换楼人士,心水之选总系多不胜数。面对呢个苦恼嘅问题,我地美联自然会帮你排解疑虑,提供更多盘源俾你选择。...
【新居屋vs私楼】钻石山启翔苑周边二手私楼大比拼... 2020年新居屋推出时间表现定于9月10日开始接受申请,4大新居屋屋苑等共提供逾7,000伙,不过面对住数以十万份计竞争下,买家如果真的心仪...
【珑门】一跃“珑”门 屯门身价百倍 屯门自西铁线通车,交通网络日渐完善后,出入市区更加方便,带动不少上车客进驻。珑门属区内楼龄较新的二手物业,位处西铁屯门站上盖,拥大型会所及基...
分享: