沙田楼盘众多，亦系唔少年青人拣楼嘅黄金地区之一。交通选择多，环境清幽，仲有难得嘅城门河，最重要就系盘源多元化。如果最近正有打算喺沙田置业嘅年轻人，今次嘅介绍就真系唔可以错过啦！

后生仔买楼，通常都系先睇一啲入场门槛低嘅单位，好运中心，就系唔少人选择嘅第一目标。位于沙田嘅好运中心，属于80年代嘅香港私楼，8座住宅大厦，约1400个单位，作为区内传统物业，屋苑亦有提供1-2房嘅上车单位，其余就系大细三房嘅选择。好运中心喺沙田出名靓景，单边嘅外围单位可以望到城门河同埋对面公园，另一边嘅内园景同市景亦都相当广阔。后生仔住喺呢度，最开心梗系可以去晒成个新城市广场购物圈，上至国际名牌，下至地区小店，休闲娱乐统统齐晒！商场直通沙田站，附近巴士小巴路线丰富，出行极之方便。

第二个要介绍嘅，就系同好运中心一河之隔嘅愉田苑。屋苑有七座物业，超过1700个单位，主打典型居屋两至三房户型。屋苑优点多多，首先，实用比率高达8成以上！而间隔四正，空间感十足！其次，邻近城门河，加上被公园包围，整体环境清幽，鸟语花香。就咁听以为呢度山旮旯？唔使2分钟路程，就行到第一城站啦！附近亦有唔少来往港九嘅巴士同小巴路线，方便返工返学嘅住客。屋苑邻近愉翠商场同埋第一城商场，提供唔同嘅店舖！如果时间唔赶，沿着城门河散步过去沙田新城市广场，都只系15分钟左右，睇住靓景行街，简直系赏心乐事！

如果想揾啲在靓啲风景嘅地方，介绍你去另一个沙田屋苑︰穗禾苑。一眼望过去，9座风车型设计嘅大厦，拥有约3500个单位，同样提供典型两至三房间隔，实用率超过八成，间隔极为实用。由于位处半山，呢度风景一流，居高临下城门河嘅美景！空气清新，单位通风舒爽。穗禾苑自设商场，入面生活配套基本齐备！山下面仲有区内著名嘅大排档添！交通方面，屋苑以巴士、小巴出入为主！呢度嘅交通路线繁多，将军澳、九龙塘、沙田、荃湾等等嘅点对点巴士都有提供，亦有小巴循环来回火炭站，出入亦算方便。

如想了解多啲关于以上屋苑嘅资讯？欢迎向我们的在线客服查询！