沙田人杰地灵，居住旺中带静，空气清新风景怡人，绝对适合家庭居住。不过搬去沙田住，小朋友嘅校网分配又会系点？呢区有边啲出名嘅学校呢？今集就向大家介绍一下沙田嘅校网，并且分享吓呢度附近一啲家庭靓盘啦。

今次要介绍嘅单位，全部都属于91校网。呢个校网喺沙田区都相当出名，因为呢区最受欢迎嘅小学，差唔多都系喺晒91校网里面。例如沙田围吕明才小学、培基小学、保良局萧汉森小学、香港浸会大学附属学校王锦辉小学等等，都相当有名气。同时间沙田学校质素平均，大部份学校都系Band 1同2，例如沙田崇真中学、浸信会吕明才中学、圣公会曾肇添中学、沙田官立中学、沙田培英中学等等，净系数Band 1都有成10几20间
听完之后，系咪好想同小朋友一齐搬来呢一区住呢？立即向大家分享几个心水楼盘。

第一个要介绍嘅就系帝堡城！屋苑由七座物业组成，合共1744伙。除咗楼龄较新之外，呢一个屋苑仲系区内罕有嘅中型单位盘源，单位主要分两房同三房，平均面积由五百几呎起，适合家庭用户。而屋苑有超过100,000尺嘅住客会所俾住户使用。由于屋苑位处大老山隧道口附近，所以交通非常丰富，附近嘅巴士四通八达，出九龙特别方便。周围仲有齐各式生活小店，如果想买𩠌同埋补充日用品，就可以去到旁边广源邨嘅街市同商场。

第二个要介绍，就系同沙田市中心只系一河之隔嘅花园城。屋苑一共分三期，八个物业合共1200几个单位，主打一至两房设计，面积大约2-300几呎左右。呢度方便指数爆晒灯，首先屋苑设有楼下平台花园，可以比小朋友嬉戏玩乐。楼下地舖亦有各式小店，衣食住行基本配套齐备。屋苑亦非常靠近沙田围站，无论系返学，返工，定系出门去沙田市中心shopping，都非常方便。

不过讲到大家庭单位，就唔可以唔睇田园阁。屋苑位于沙田围路9-11号，两座物业提供144个单位。点解咁少单位？因为呢度统一三房间隔，实用率高达八成，系唔少大家庭换楼嘅目标之选。附近交通四通八达，一程小巴5分钟就已经可以去到沙田市中心，区内主要学校，搭车都15分钟左右就到。而且去到沙田新城市广场，除咗行街shopping之外，平日仲可以喺沙田站转车返学返工，亦都非常方便！

如想了解多啲关于以上屋苑嘅资讯？欢迎向我们的在线客服查询！