有唔少年青人选择蓝田屋苑上车，全因为呢度性价比高！除咗楼价弹性大之外，亦有唔少居屋屋苑适合年轻人置业。如果想选择喺蓝田揾楼嘅少年的你，呢度又有啲乜嘢好选择？

座落喺蓝田康栢苑，喺观塘区内大型嘅居屋项目。7座物业提供超过2400个单位，主要提供两至三房单位。由于屋苑位处嘅地势较高，高层单位景观亦系区内一绝。整个物业采用新十字型设计，单位实用率高，间隔四正，傢俬布局都相当灵活！附近仲要环境清幽，空气清新，单位通风舒爽。

屋苑附近有广田商场，里面有齐各种民生小店，便利店以至餐饮都有齐，为附近居民提供经济实惠嘅选择。
交通方面，屋苑以小巴同巴士为主，通往观塘蓝田油塘等等嘅小巴班次亦都非常频密。

第二个要介绍嘅屋苑，就系蓝田小半山地段嘅－康华苑。康华苑三座物业，提供接近1700个单位。由于屋苑七成都系一房间隔，其余就系两房单位，所以深受一啲喜爱宁静环境嘅上车客。屋苑地势高，令到住户可以望到山景同埋远海景，唔少望海嘅高层单位住户表示，每年烟花活动都令人目不暇给。

生活方面，屋苑邻近兴田邨嘅商场，里面有齐超市，酒楼，食肆，街市等等，生活基本无需烦恼。而且屋苑附近小巴同巴士班次都好频密，仲设有机场巴士同通宵巴士站！要驳车落去观塘、蓝田亦都非常方便，去到观塘同九龙湾，有更多嘅大型商场，例如德福广场、APM等等，更多娱乐俾你拣。

如果讲到工作，观塘绝对系香港其中一个上班集中地，唔少喺附近工作嘅年轻人，更加希望可以揾到一个方便返工嘅地方上车，亦都令到鲤安苑成为年青人嘅首选。邻近蓝田站嘅鲤安苑，属于康和式设计嘅居屋，六座物业拥有近1700个单位，虽然屋苑同样都系主打典型二至三房设计，但呎数同间隔，就比同区居屋更实用见使。附近体育馆泳池等等康乐设施齐备，而且5分钟就可以行到去蓝田站。如果喺观塘区返工，行路定搭车都非常方便。如果想娱乐消遣，除咗屋苑附近嘅启田商场之外，观塘、九龙湾附近嘅大型商场，亦有好多选择提供。

如想了解多啲关于以上屋苑嘅资讯？欢迎向我们的在线客服查询！