【 马鞍山揾楼】听涛雅苑.银湖·天峰.星涟海.新贵换楼潮流地

自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中产人士嘅心头好。

由长江实业发展,位于彩沙街1号星涟海,六座物业,提供454个单位,实用面积介乎738至1732呎,主打3-4房大单位。屋苑景观优美,远望海星湾、吐露港、白石角等等靓景,绝对可以话系山明水秀。交通方面,屋苑距离乌溪沙站大约10分钟,楼下亦有小巴穿梭沙田市中心。乌溪沙站嘅巴士总站,亦提供大量巴士前往港九各区。日常购物方面,附近迎海同埋银湖.天峰嘅商场,都可以提供大量优质生活所需。

不过既然行到银湖.天峰商场,当然要顺便介绍埋银湖.天峰啦。作为乌溪沙站嘅上盖物业,屋苑气势不凡,L型排开嘅设计,成为呢区最具代表性嘅地标屋苑之一。屋苑由七座物业组成,楼高60-69层,拥有2169个单位,而屋苑间隔有超过20种不同嘅户型,平均楼底高达10尺,仲户户有露台添。呢度嘅会所以欧洲皇宫式设计,气势磅礡,总面积有成36万平方呎,各类设施应有尽有,仲有三个宴会厅可以举办大型活动添。交通方面,主要就系基座嘅乌溪沙站同巴士总站,出入方便之余,各区嘅路线亦相当齐备。而屋苑楼下嘅银湖・天峰商场,生活百货应有尽有,完全一站式生活享受。

如果阁下系海景迷,我哋搭马铁去到恒安站,就到即将介绍嘅第三个屋苑-听涛雅苑。由长实发展嘅听涛雅苑,分两期发展,合共11座物业,提供2032个单位,屋苑主打三房大单位,有两成单位属于两房间隔。由于屋苑临海而建,所以沙田海同埋吐露港嘅海景完全毫无遮挡,而且楼价实惠,系唔少换楼人士嘅地区指标。平日住户行落楼下,就已经直达海滨长廊,呢度散步、跑步、踩自行车都非常舒服。屋苑旁边亦有马鞍山公园,如果家庭入面有小朋友,佢哋一定会非常开心。当然,屋苑嘅会所、平台花园亦都非常优质,绝对可以带俾你满足嘅享受。日常交通方面,屋苑距离恒安站大约3-5分钟,系最主要嘅交通工具。屋苑亦有专车接驳去到马鞍山广场,方便住户购物消闲,广场下面亦有巴士总站,住户想去边,都非常方便!

想了解多啲关于以上屋苑嘅资讯?欢迎向我们的在线客服查询!

相关文章 :

【马鞍山揾楼】天宇海.晓峯湾畔.岚岸.换楼新热点... 近年唔少换楼客聚焦马鞍山,全因马铁通车之后,呢度嘅靓盘渐渐受到大众注目!无敌海景,背山面海,成熟嘅配套发展,静中带旺嘅社区模式,系唔少换楼人...
【马鞍山揾楼】马鞍山中心.雅典居.晓峰湾畔.海天一角.走进马鞍山特色屋苑... 自从马铁通车之后,马鞍山社区得到迅速发展。呢个社区宁静雅致,自成一角,系唔少追求生活享受人士梦寐以求嘅地方。今次一齐行吓马鞍山,睇吓有边啲令...
【马鞍山揾楼】锦丰苑.锦泰苑.锦英苑.锦绣置业新势力... 近年唔少年青人,将马鞍山定位为首次置业嘅目标。自从马铁通车之后,马鞍山唔少优质居屋逐渐出现喺大家眼前!沿海包围,景色怡人,交通方便……种种优...
【屯门揾楼】豫丰花园.聚康山庄.怡乐花园.换楼客的世外桃源... 屯门系众所周知嘅上车天堂,不过可能唔多人知道,其实呢区都系换楼客嘅世外桃源。 如果想细屋换大屋,又或者揾返啲有规模同配套嘅私楼,今集介绍嘅屋...
【东涌揾楼】智能东涌 宜家宜居 自问走在潮流尖啄,无论衣食住行定屋仔、车仔、老婆仔、BB仔边一方面都需要把握先机,只有快人一步先可以理想达到!...
分享: