九龙城区作为传统名校网，自然受到唔少嘅家长追捧。 不过九龙城区屋苑并唔系人人都负担得起，性价比自然系家长嘅最大要求。 如果你有咁嘅谂法，土瓜湾区以下呢三个屋苑，可能会系你心水选择 ！

喺九龙城区， 34校网都系传统嘅名校网之一，例如协恩中学附属小学，圣罗撒学校，陈瑞祺喇沙等等，都受到唔少家长欢迎。为咗心头好，唔少家长系呢一区揾盘都争崩头。所以今次带大家嚟到土瓜湾，一齐睇吓啲价廉物美，又入34校网嘅细价盘。

第一个要介绍嘅，就系位于土瓜湾落山道78-84号嘅美景楼。 两座大厦，合共单位大约336伙。 受惠于社区嘅长年成熟发展，楼下附近嘅生活饮食配套完善，由街坊小店，到大型超市街市都一应齐备， 而且价廉物美，明显专做街坊生意，住喺呢度可以算得上系衣食无忧。 交通方面，土瓜湾巴士线贯通港九新界，四通八达，可以话系九龙数一数二线路最齐备嘅地区。 虽然系旧区，不过邻近土瓜湾站，行大约5分钟就到。交通咁方便，小朋友返学放学都唔使担心啦。

而距离美景楼冇几远嘅定安大厦，亦都系区内细价盘嘅精选之一。 位于土瓜湾道下乡道交界嘅定安大厦，1973年落成，全座合共870个单位。 由于同美景楼相近，所以佢哋交通网络同生活嘅配套都可以共享，无论系小学定系中学校网，往返都非常方便。好似名校协恩中学，由楼下出发只需10分钟就行到。距离咁近，返学放学就自然轻松得多 ！而且九龙城区内嘅顶级嘅学府，大部份同地下交通接轨，上车10-15分钟已经可以抵达校门。

系咪听到有啲心动呢？ 如果阁下想揾一啲新落成嘅楼盘，咁以下呢个介绍可能会符合你嘅要求。 My place，喜点！ 位于北帝街嘅喜点，属于市建局带头发展嘅单幢式住宅物业，整座物业提供168个单位。 实用面积介乎229至357尺，主要由开放式单位同埋一房户构成，适合新婚夫妇或者三人家庭居住。喜点除咗巴士小巴等等线路之外，距离沙中线嘅宋王台站亦都只系10分钟嘅路程，交通优势相当之明显。 邻近仲有土瓜湾运动场、亚皆老街运动场，适合平时带小朋友去放电之用。 而无几远就有一个启德体育园，作为启德发展计划当中最重要嘅一个大型基建项目，佢有住各式各样嘅体育设施同埋场馆，子女多咗机会接触不同嘅体育项目。 能够身心均衡发展，小朋友嘅将来自然更加全面 ！

听完今次嘅介绍，如果想了解更多，立即按此向在线客服查询啦！