【黄大仙揾楼】竹园北村・东头邨・黄大仙下邨・健康生活不求人

 

一个居住环境,能够令到自己舒适自在嘅话,当然系一个理想嘅选择。如果有埋健康生活,强健体魄,容易上车嘅呢啲元素落去,呢个居住地点,就真系难能可贵。原来合乎以上条件嘅,喺黄大仙区就已经揾得到!

眼前呢度环境优美,景色怡人,对于任何人来讲都系一个居住嘅好地方,呢度就系黄大仙嘅竹园北村!竹园北村位于黄大仙嘅北面,坐落喺沙田坳道同埋颖竹街之间。原本屋苑属于房委会兴建嘅公屋,后来政府嘅租者置其屋计划之下,竹园北村流入市场,就成为唔少上车人士嘅抢手货。

竹园北村嘅八座楼宇,拥有超过6700个单位,属于Y型设计,普遍每翼8户,每层24户 单位面积大部份为147尺至530尺之间,租置计划下,住户可以自行间隔,大大提升空间嘅灵活度。 竹园北村最大嘅卖点,就在于佢环境清幽,喺翠绿群山包围之下,每一口呼吸到嘅都系清新嘅空气。 而且屋苑附近康体活动设施充足,除咗体育馆之外,亦有大型长楼梯连接黄大仙,适合喜欢锻练身体嘅人士。生活配套方面,竹园北村拥有自设嘅街市、商场中心,亦设有通往各区嘅巴士总站,衣食住行一应俱全。

第二个要介绍嘅就系东头邨! 东头邨位于新蒲岗同埋九龙城之间,虽然规划上佢属于黄大仙区,但系其实佢同九龙城都只系咫尺之隔。 东头邨属于出售公屋,整个屋苑加埋超过6000个单位,住宅面积大约系150尺至600几呎不等。 自从屯马线嘅启德站通车之后,座落系中间点嘅东头邨,就坐拥乐富站同启德站嘅港铁优势 邻近嘅九龙城亦都系香港人衣食住行嘅热点之一。但系对于好多运动人士来讲,东头邨最吸引嘅地方,就系佢邻近黄大仙区最大型公园-摩士公园。摩士公园一共分为四个区域,拥有大量丰富嘅康体设施,除咗泳池、网球场、室内体育馆等等嘅基础设施之外,佢仲设有草地、人造草以致硬地等等多款不同嘅足球场,深受足球爱好者欢迎,更加系唔少职业足球队恒常练习嘅场地。

不过讲到黄大仙,一定要介绍佢地标式嘅屋苑-黄大仙下邨。 黄大仙下邨位于黄大仙同乐富嘅中间,整个屋苑有超过4700个单位,单位面积由145-598尺之间。 系90年代初黄大仙下邨(一邨)正式入伙,房委会亦都将呢度拨出成为租置计划嘅一部份,时至今日仍然系唔少上车人士嘅热门选择。由于黄大仙下邨比乐富、黄大仙、钻石山三个地铁站包围,令到唔同座数嘅住户,都可以因应自己地位选择交通。 受惠于黄大仙祠旅游发展嘅影响,附近黄大仙中心商户林立,而且街头巷尾亦有唔少当地美食,生活,娱乐轻松方便。 呢度健康生活指标亦都非常高,村内亦有排球、篮球、羽毛球场等等设施, 而且泳池,体育馆,仲有各式各样嘅运动康乐场地,都包围住整个屋苑,令热爱运动嘅住户可以随时起行,锻练身心!

以上屋苑有冇你嘅心水?想了解更多,立即按此向在线客服查询啦!

分享: