屯门区，楼价门槛低，屋苑质素普遍高，以上种种成为唔少上车人士嘅睇楼第一站。今集，我地就一齐睇下三个屯门不同地段嘅上车屋苑，有冇边个啱你心水！

三大精选，一嚟先介绍屯门单幢细价屋－兆隆苑。兆隆苑属于Y型设计嘅居屋，只有一幢物业，楼高34层，单位总数系612伙。呢度单位实用率高，加上Y型设计单位冇既定间隔，住户可以随心所欲咁样间做两房、三房等等都得。屋苑特别适合精打细算嘅年轻人，楼下就有齐超市同食肆，如果想多啲选择，去到良景商场就有更多特色俾你拣。平日住户去到良景轻铁站，都只系行几分钟，如果驳车去到西铁站，出尖东都只系半个钟头内嘅事。而且屋苑楼下有多条巴士线，唔少地区都有线路直达架！

第二个精选，就系呢区嘅上车热盘－大兴花园。屋苑分两期发展，合共15座，单位总数3647伙，屋苑提供两至三房单位，主打两房户，面积介乎于300几至500几呎。呢度吸引上车客嘅第二个地方，就系有埋私人会所，网球场、壁球室、仲有两个独立泳池，咁多优点，难怪成为一众上车新鲜人嘅至爱。生活方面，屋苑嘅基座都各有不同嘅民生店舖，例如超市、便利店、零售店、同埋餐厅食肆，生活不假外求。交通方面，屋苑有五条固定嘅村巴线，穿梭红磡、湾仔、同埋火炭，去到旁边嘅轻铁石排站，或者坐四周嘅巴士同小巴前往市中心，出行十分方便。

第三个精选，就系区内嘅大型上车盘，新屯门中心！新屯门中心由10个物业组成，提供约3500伙。屋苑主打两至三房户，内笼四正实用，周围并无高楼大厦阻挡，所以唔少单位都拥有开扬景观。屋苑亦拥有私人会所，泳池、健身室，各类康体设施基本齐备。而屋苑基座拥有自家嘅停车场，亦有两层商场，提共超市、百货、食肆等等店铺。行去附近龙门居，里面亦有大量嘅生活小店可以比大家发掘。屋苑旁边有轻铁站，附近亦有多条前往港九新界以及机场嘅巴士小巴路线，交通选择非常多。

想了解多啲关于以上屋苑嘅资讯？欢迎向我们的在线客服查询！