【沙田揾楼】美城苑.富嘉花园.云叠花园.港铁实用屋苑

沙田区发展成熟度高,拥有优质交通配套!加埋屯马线、沙中线三线加持,绝对系将来嘅交通重心。亦因为咁,咁多年来,好多屋苑都围绕住沙田站进行发展。时至今日,沿住港铁揾食,又有啲乜嘢屋苑好介绍?

座拥东铁、屯马线、沙中线等等优势嘅大围站,绝对有望成为香港下一个重要嘅交通枢纽。呢个站附近亦有一啲屋苑值得推介,先讲云叠花园!属于私人参建居屋嘅云叠花园,喺80年代尾落成!六座物业提供1988个单位。屋苑主要提供两房及三房户,而且间隔非常实用,加上位置清幽,适合追求宁静生活嘅人士。云叠花园嘅业主立案法团,早年翻新咗大厦嘅电梯以及外墙,令到屋苑感觉更加新净,质素直迫私楼!讲到交通,大围站距离屋苑都只系5分钟,而且楼下巴士同小巴路线都非常丰富。

同区,亦有另一个居屋屋苑值得介绍,就系美城苑!位于城门河畔嘅美城苑,由3座大厦组成,提供近2200伙,单位面积大约300几至400几呎不等,由于间隔四正,用户可以安心设计成不同户型。屋苑靠近美林邨,住户可以去到美林商场嘅超市,餐厅,以及家品杂货小店,或者美林街市购买日常所需!呢度行去大围站大约8-10分钟,如果唔想行咁耐,屋苑楼下就有小巴,2-3分钟直出大围站,亦有巴士出深水埗、长沙湾、观塘等等地方。

不过讲到最具人气嘅,梗系距离大围站只系一街之隔嘅富嘉花园富嘉花园属于私人参建居屋,三幢物业合共864个单位,提供两至三房单位,比例上各占一半。屋苑密度低,实用率高,绝对系呢度嘅卖点之一,而且大围站一出就到家门口,方便程度媲美上盖物业。附近亦有大量小巴同巴士站提供,港九各区基本路线齐备。生活方面,屋苑楼下有大量地舖,街坊美食多罗罗!附近亦有大量嘅民生小店提供,当然超市餐厅等等就不在话下。如果想行大型商场,去到大围站,坐过一个站去到九龙塘,就有又一城商场,或者坐一个站去沙田,就有新城市广场!甚至搭车上内地都话咁易……咁多选择,想闷都难啦。

如想了解多啲关于以上屋苑嘅资讯?欢迎向我们的在线客服查询!

相关文章 :

【沙田揾楼】沙田中心.希尔顿中心.伟华中心.年青上车私楼三重奏... 沙田社区配套发展成熟,生活多元化,令唔少年青人想系呢度安居置业!如果想喺度揾私楼,又有啲乜嘢好介绍?...
【沙田揾楼】骏景园.欣廷轩.翠华花园.沙田.多元享受生活屋苑... 人生不同阶段都有各自追求,买楼亦都系一样!不过,对生活嘅享受,每个阶段都唔可以轻易错过。...
【沙田揾楼】显径邨.嘉田苑.海福花园.怡人社区.健康之选... 18区当中,如果要选出最健康嘅区域,沙田区绝对系三甲之一!无论扒龙舟或者跑步都系知名热点,而且周边群山翠绿包围,空气清新怡人。...
【沙田揾楼】帝堡城.花园城.田园阁.优质学府逐个捉... 沙田人杰地灵,居住旺中带静,空气清新风景怡人,绝对适合家庭居住。不过搬去沙田住,小朋友嘅校网分配又会系点?呢区有边啲出名嘅学校呢?今集就向大...
【东涌揾楼】智能东涌 宜家宜居 自问走在潮流尖啄,无论衣食住行定屋仔、车仔、老婆仔、BB仔边一方面都需要把握先机,只有快人一步先可以理想达到!...
分享: