【观塘揾楼】晓丽苑・顺致苑・Peninsula East・宁静雅致的小绿洲

环境清幽嘅屋苑,对于一啲喜爱舒适宁静嘅业主来讲,绝对系理想嘅选择。除咗新界、西贡之外,闹市当中会唔会都有呢啲屋苑存在?梗系有啦,今日带大家去到观塘一带,睇吓呢啲闹市当中嘅绿洲屋苑。

 

呢度四周翠绿包围,鸟语花香,骤眼望过去,真系同西贡新界一带有几分相似,其实呢度就系观塘嘅晓丽苑。位于观塘晓光街21号嘅晓丽苑,属于居屋物业,屋苑分为八座,每层16伙,单位数量大约4800个左右。晓丽苑同普遍居屋一样,都系主打两至三房间隔,面积大约400至600几呎左右 清幽嘅环境,新鲜嘅空气,而且地势高,可以望到九龙湾同埋观塘一带嘅风景!绝对系闹市中嘅小花园。生活方面,晓丽苑旁边就系秀茂坪商场,邻近亦有晓光街体育馆可以比住户使用。喺屋苑乘坐小巴、巴士前往观塘站,亦都只系几分钟嘅时间,而且附近亦有通往港九嘅巴士路线,生活需求完全满足。

 

沿路行上少少近半山位置,就会见到顺致苑。位处观塘半山嘅居屋顺致苑,由六座物业组成,大约有1500几个单位,单位面积大约有400至700呎左右,顺致苑系全港至今唯一拥有顶层复式单位嘅居屋!而所有嘅单位都属于免补地价居屋,可以喺市场自由出售转换,有咁嘅特色,真系非常罕见!位置半山,拥有绿化行人道,空气又好,行过去冇几远就系著名嘅佐敦谷公园,望住一片绿油油嘅大草地,踏出每一步都系健康嘅气息。生活方面,屋苑可以通往邻近顺利邨商场,里面超市食肆齐备,生活不假外求。而顺利邨巴士总站亦提供前往观塘,港岛以及九龙区嘅巴士,选择上亦十分之灵活。

 

望完两个咁有特色嘅居屋单位,带大家行远少少去到油塘嘅私人屋苑,PENINSULA EAST。由九龙仓发展嘅Peninsula East,属于油塘嘅新型屋苑项目,屋苑由两座相连物业组成,一梯四伙,提供256个单位,PENINSULA EAST嘅标准单位面积介乎517至1033呎,布局由2房至4房都有,当中2房单位超过5成,属于主打项目。由于呢度每户楼底高达3.15米,加上景观开扬,附近冇高楼遮挡,可以饱览鲤鱼门同埋启德一带嘅海景。喜欢运动生活嘅人士,可以沿着海边跑步去到鲤鱼门,环境清幽,又少人烟,可以畅快咁舒展身心,或者可以选择留喺屋苑嘅会所,里面泳池,健身室等等设备亦,无需四处奔走都可以有充足嘅运动空间。平时嘅主要交通,就系距离大约几分钟路程嘅油塘站,返工返学,出门都非常方便。如果临出发前想行吓街,可以喺油塘站旁边嘅大型商场“大本营”消费购物,基本嘅潮流美食生活所需都一应齐备。如果想过海,油塘站上车几分钟就到。

 

听完以上屋苑介绍,系咪仲想再知多啲?立即按此向客服查询!

相关文章 :

【真系咁笋?】观塘凯汇位置有几好?3分钟带你实测... 观塘区商厦林立,更有望成第二个核心商业区,不过近年缺乏新盘落成,凯汇自然成区内焦点。凯汇除了规模大,涉及近2000伙,而且户型选择多元化,提...
【启德】潜力‧起动‧沙中线 兴建中的港铁沙中线将连接启德与香港主要商业区,大围至红磡段料于2019年通车,而红磡至金钟段将于2021年通车。配合日后港深广高速铁路2的落...
【启德】基建旅游 飞跃启德 启德发展规划全面,除大量的商住用地之外,区内更有多达近100公顷土地将会用作休憩用地,为整个九龙东带来新貌,未来定必吸引大量旅客到访,带动区...
【启德】饮食潮流大舞台 启德位近“美食天堂”九龙城,食、玩、买应有尽有之余,未来亦将可提供多达约2,454万平方呎楼面的商业面积,接通观塘与九龙湾工厂区,开拓全新核...
政府下季卖4幅住宅地 涉1860伙 政府公布2019年1月至3月卖地计划,发展局局长黄伟纶表示,下季将推出4幅住宅地,可供兴建约1,860伙,按季减少29%。地皮分布于启德、大...
分享: