唔少年青人置业，沙田区嘅屋苑都会系佢哋嘅候选名单之一 ，全因为呢度环境配套好之余，楼价仲非常亲民，到底点样吸引法？不如我哋一齐睇吓！
沙田第一城属于沙田区现时最大型嘅屋苑，52座物业组成，超过10,000个单位提供。 屋苑点解吸引年青人？因为虽然佢够晒大，但系就不设私人会所，所以价格方面就自然更实惠！ 而且呢度开则主打两到三房，距离大马路较为远少少嘅座数，价钱仲有一定嘅调整幅度！所以成个屋苑，都有着唔同嘅价位可以比上车嘅年青朋友选择 而且呢度社区设施完善，有两个大型商场，超市、街市、邮局等等，连中小学都有几间喺度，日后组织小家庭，拣学校就自然更得心应手! 交通方面，佢主要当然系港铁第一城站，不过平时大马路亦有大量嘅巴士路线提供选择，出入其实都好方便㗎!
沙田上车物业当中，不乏有啲靓景嘅屋苑，好似临近城门河意见嘅富豪花园 ，有14座物业，提供接近2000个单位！主打两房至三房连套房单位，属于区内少见以大单位为主嘅屋苑。 虽然单位size大，但系由于属于80年代楼，所以比同区嘅新楼楼价有一定嘅折让，而且呢度可以俾你选择完全冇遮无挡嘅城门河风景，仲可以有翠绿山景，喺上车物业来讲，绝对系优质嘅盘源！ 屋苑设有商场同埋超市，亦有一啲便利嘅民生小店，适合精打细算嘅朋友！而且沙田第一城就喺旁边冇几远，行过去又可以揾多啲唔同嘅购物选择 虽然屋苑行去港铁站都有一定距离，不过好在楼下巴士同埋小巴线路非常充足，贯通港九各区，交通绝对唔系问题!
最后要介绍嘅，当然系上车朋友最爱嘅居屋盘，愉翠苑。 沙田附近有多个大型嘅居屋屋苑，不过2000年后入伙嘅暂时得愉翠苑一个，所以佢嘅楼龄亦都系最新净 屋苑由16座物业组成，提供超过4000个单位，康和式设计，都系主打2-3房间隔，而且仲提供埋三房连套房间隔添，居屋屋苑当中相当罕见 屋苑交通都系一大卖点，因为距离第一城站都只系几分钟嘅路程，而且本身屋苑亦设有巴士总站，真系可以话选择多多 顺带一提，屋苑旁边仲有圆洲角体育馆、户外攀登墙等等设施，运动选择都好充足㗎!
客服热线：2311-1200
