香港各区靓景屋苑多箩箩,不过海景绝对系最多人追求嘅终极目标。自从马铁通车之后,马鞍山呢一个临海地段,就成为唔少想拥有靓景单位人士嘅必争之地。呢度附近有啲乜嘢靓景单位?即刻介绍过俾你睇睇啦!
今次介绍嘅屋苑,就系马鞍山近年新贵楼盘-迎海。迎海一共分四期发展,今集我哋主力介绍佢第一至三期。第一期迎海由4座组成,提供928个单位,面积大约由600至4000几呎不等。呢度嘅单位开积有2房至4房,其中2-3房超过半数,亦提供特色连平台以及复式单位。屋苑最大特色,就梗系望住吐露港海景!而且附近甚少高楼大厦阻挡,住户自然可以将靓景尽收眼底。而呢度嘅住客会所,亦都被靓景包围!做gym、游水、spa……统统舒服过人。呢个时候,你会发现迎海屋苑嘅海景,唔单止吐露港,仲可以包揽埋旁边嘅海星湾。
所以望住海星湾嘅第二期,就叫做迎海.星湾。屋苑共分4座,合共865伙,户户都有露台,亦设有工作平台。讲到最吸引嘅海景,屋苑向东北嘅单位,全部都可以望到海星湾,一望无际。向西嘅单位主要就系望内园景,景色一样怡人。除咗豪华会所之外,日常生活亦都可以去到迎海嘅自设商场购物,名店、超市、生活百货一应俱全,又或者可以从乌溪沙站,坐过去隔离马鞍山站嘅新港城中心同埋马鞍山广场慢慢shopping,选择更多。
不过讲到迎海屋苑,第三期迎海.星湾御就更多元化,屋苑有五座物业,提供超过1000个单位。呢度户型选择近20种,无论上车定系大型家庭,都可以寻找到适合嘅单位,靠近海星湾嘅22,23,25座,东北方嘅单位座拥无敌海景!而16,17座,中高层单位除咗海星湾之外,仲可以远望吐露港,景致变化万千,配搭出更多不同嘅享受。住喺呢度嘅住户,最大优势当然就系邻近乌溪沙站!步行时间都只系大约5分钟,返工返学,假日出行都非常方便。如果阁下系高尔夫球爱好者,附近就有白石高尔夫球练习场,望住个无敌海景挥杆,绝对系赏心乐事。
如想了解多啲关于以上屋苑嘅资讯?欢迎向我们的在线客服查询!