荃湾系一个充满特色嘅地方,饮食娱乐,优质靓景,生活体验,全部都包罗万有,唔少中产家庭,都会选择荃湾作为安居之地,唔知道以下三个屋苑,你有心水未?
第一个要介绍嘅系全.城汇,有华懋同埋港铁共同发展,7座物业,提供953个单位,仲有一至三房户,主打两房单位!加上有超过一半嘅单位,都可以有海景享受,所以受到唔少中产人士注意 屋苑最令人舒服嘅地方,除咗海景之外,就系被公园所包围!虽然喺城市当中,仍然可以感受到青绿嘅气息! 呢度会所连平台花园超过50,000尺,入面设施配套丰富齐备,令住户喺屋苑内都可以有精彩嘅私人空间,加上楼下就系如心广场二期,大把购物选择!而且商场设有五条天桥,连接西铁、以及其他购物热点,无论出入上落都非常方便。
果你系追求海景嘅住户,咁样柏傲湾就好可能系你嘅心水选择! 18年入伙嘅柏傲湾,由2座物业组成,提供983个单位,开放式以至四房单位都有,以两房为主打,面积介乎300 几至1300几尺。 屋苑本身设计都好有风格,用游艇作为设计概念,所以唔少装修用木板制造甲板嘅感觉!加上海景照应,随时有种“扬帆出海”嘅感觉,人都健康啲丫! 加上行几分钟就到西铁站,附近亦都有唔少交通工具俾你选择,出入绝对非常方便。 屋企有style,楼下生活配套更加Lifestyle!附近有多个大商场包围,而且亦有唔少便利嘅民生小店,食屎林立,简直就系生活嘅好拍档!
如果阁下系喜爱生活宁静,想离开闹市,荃湾区都有好选择,就好似缙庭山! 屋苑开则多元化,由1房至4房都有,面积介乎280至1200呎,选择空间弹性大,适合不同类型换楼客 屋苑位置环境清幽,无论空气定系整体环境都非常舒适,钟意做户外运动嘅人士肯定觉得特别吸引! 但系千祈唔好以为呢度好隔涉,行过去大窝口站5分钟就到,楼下附近都有巴士同小巴直达荃湾。 加上呢度附近好多价格亲民嘅生活店舖,而且全部都系行几步就到,生活真系显得更加健康!